@ikhlasjemea: በሳጃ ከተማ በየምኒ ናኖ ማዘውተሪያ ግንባታ ላይ የኢኽላስ ጀመዓ በገንዘብና በጉልበት ድጋፍ አደረገ ሳጃ የኢኽላስ ጀመዓ አባላት በዛሬው ዕለት በሳጃ ከተማ እየተገነባ በሚገኘው የየምኒ ናኖ ማዘውተሪያ ቦታ ላይ በአካል በመገኘት ከፍተኛ የገንዘብና የጉልበት ድጋፍ አደረጉ። ይህ የማዘውተሪያ ስፍራ ለአካባቢው ወጣቶች ስፖርታዊ እንቅስቃሴዎችንና አዎንታዊ ማህበራዊ ግንኙነቶችን ለማጠናከር ትልቅ ሚና እንደሚጫወት የታመነበት ሲሆን፣ የጀመዓው አባላት በግንባታው ቦታ ላይ በመገኘት በቀጥታ በጉልበት ሥራ ተሳትፈዋል፤ እንዲሁም የግንባታ ሂደቱን የሚያፋጥን የገንዘብ ድጋፍ አበርክተዋል። የኢኽላስ ጀመዓ ተወካዮች በሰጡት አስተያየት፣ ማህበረሰቡን የሚጠቅሙና ወጣቶችን ለአዎንታዊ ተግባር የሚያዘጋጁ ልማቶች ላይ መሳተፍ የሁልጊዜም ግዴታቸው መሆኑን ገልጸው፣ መሰል የበጎ አድራጎትና የማህበረሰብ ልማት ሥራዎቻቸውን አጠናክረው እንደሚቀጥሉ አረጋግጠዋል። የፕሮጀክቱ አስተባባሪዎችና የአካባቢው ነዋሪዎች በበኩላቸው የኢኽላስ ጀመዓ ያደረገውን ሁለንተናዊ ድጋፍና ያሳየውን አርአያነት ያለው ተግባር በማመስገን፣ ሌሎች የማህበረሰብ ክፍሎችም በግንባታው ሂደት የበኩላቸውን አስተዋጽዖ እንዲያደርጉ ጥሪ አቅርበዋል።

To see more videos from user @ikhlasjemea, please go to the Tikwm homepage.