شلون تخلي صوص الكاري ثخين وكريمي. بدون كريمة. بدون نشا. وبدون طحين؟ 👀🔥 السر اللي استخدمته اليوم بسيط جدا. بطاطة مسلوقة. بدل ما اثخن الصوص بالنشا او الطحين. اخذت بطاطة مسلوقة وهرستها ويا صوص الكاري. النتيجة؟ صوص اثخن. نكهته اغنى. وقوامه طبيعي كلش. بدون ما نحتاج كريمة. الكميات تكفي تقريبا 4 الى 5 اشخاص. مكونات الكاري. دجاجة كاملة مقطعة ومنزوعة الجلد. تقريبا 1.2 الى 1.5 كيلو. 2 بصلات وسط مفرومات. 5 فصوص ثوم. قطعة زنجبيل تقريبا 30 غرام. 3 حبات طماطم وسط. نص كوب كزبرة خضرة مفرومة. 1 بطاطة وسط مسلوقة ومهروسة. 2 ملعقة كبيرة زيت. 1 ملعقة كبيرة كاري. 1 ملعقة صغيرة كركم. 1 ملعقة صغيرة فلفل احمر. نص ملعقة صغيرة فلفل حار. او حسب الرغبة. ملح حسب الحاجة. تقريبا كوب الى كوب ونص مي حسب قوام الصوص. واهم جزء عندي هو بهارات الـ Garam Masala 🌶️ خلطة الماسالا. 1 ملعقة كبيرة كزبرة حب. 1 ملعقة صغيرة كمون حب. 1 ملعقة صغيرة فلفل اسود حب. 4 حبات هيل. 4 حبات قرنفل. قطعة قرفة صغيرة. ربع ملعقة صغيرة جوزة الطيب. حمصوها تحميص خفيف جدا. وبعدين اطحنوها. ومن الخلطة نستخدم تقريبا ملعقة كبيرة للكاري. ونضيفها باخر مراحل الطبخ حتى تبقى ريحتها ونكهتها واضحة. طريقة التمن بالبزل 🍚 2 كوب رز بسمتي. تقريبا 6 اكواب مي. 1 ملعقة صغيرة ملح. او حسب الرغبة. 1 ملعقة صغيرة زبدة او زيت. نغلي المي بالبداية. وتكون كمية المي تقريبا 3 اضعاف كمية الرز. ننزل الرز بالمي المغلي. ونتركه لحد ما يوصل تقريبا 80 بالمية من الاستواء. بعدها نصفي الرز من المي. ونرجعه للقدر. نضيف كمية قليلة جدا من الزيت او الزبدة. ونغطيه. ونخليه على نار هادئة تقريبا 10 دقايق حتى يكمل استواءه على البخار. واهم ملاحظة. مو كل صوص كريمي يحتاج كريمة. ومو كل صوص ثقيل يحتاج نشا او طحين. مرات مكون بسيط مثل البطاطة يطيك القوام اللي تريده. ويضيف نكهة للطبق بنفس الوقت. جربوها بالكاري. وراح تلاحظون الفرق 🔥 @alwalimah_iq - @chef.basher.fawzi