@uzin.myo3: 'တော်သလင်းလပြည့် - ဂရုဓမ္မအခါတော်နေ့' (အဆက်) ထို့ကြောင့် 'ကုရုတိုင်းသား'တို့က ငါးပါးသီလကို အလေးဂရုပြု၍ စောင့်ထိန်းကြသောကြောင့် ကုရု ဓမ္မ = ဂရုဓမ္မ သီလဟု ခေါ်ဆိုခြင်းပင် ဖြစ်သည်။ တော်သလင်းလပြည့်နေ့ကိုလည်း 'ဂရုဓမ္မ အခါ တော်နေ့'အဖြစ် သတ်မှတ်၍ သီလကို အထူး စောင့်ထိန်းကြရန်နှင့် ကုသိုလ်ကောင်းမှုများ ပြု လုပ်နိုင်ကြစေရန် 'အခါတော်နေ့' အဖြစ် ထားရှိ ကြခြင်း ဖြစ်သည်။ 'ဂရုဓမ္မ သီလ'ခေါ်သော ငါးပါးသီလကို အမည်(၁၀)မျိုးဖြင့် ခေါ်ဆိုကြ ကြောင်းလည်း တွေ့ရှိရပါသည်။ 'ငါးပါးသီလ၏ အမည် (၁၀)မျိုး။' ၁။ လူမှန်လျှင် လိုက်နာကျင့်သုံးရမည့် ဓမ္မတာ သဘောတရားဖြစ်သောကြောင့် 'ဓမ္မတာသီလ'၊ ၂။ သူတော်ကောင်းတို့ အလေးဂရုထား ကျင့်သုံး သောကြောင့် 'ဂရုဓမ္မသီလ'၊ ၃။ စကြဝတေးမင်းတို့ ဓမ္မသတ်သဖွယ်ထား အုပ် ချုပ် ကျင့်သုံးသောကြောင့် 'စက္ကဝတ္ထိသီလ'၊ ၄။ ကုရုတိုင်းသားတို့ ကျင့်သုံးသောကြောင့် 'ကုရုဓမ္မသီလ'၊ ၅။ လူပုဂ္ဂိုလ်တို့၏ ကိုယ်ကျင့်တရား ဖြစ်သော ကြောင့် 'ဂဟဋ္ဌသီလ'၊ ၆။ အရေအတွက် (ငါးပါး) ရှိသောကြောင့် 'ပဉ္စသီလ'၊ ၇၊။ လူတို့ အမြဲကျင့်သုံးအပ်သောကြောင့် 'နိစ္စသီလ'၊ ၈။ ဘုရားရှင်ကိုယ်တော်တိုင် တားမြစ်အပ်သော ကြောင့် 'ဝါရိတ္တသီလ'၊ ၉။ အရိယာတို့ နှစ်သက်မြတ်နိုးသောကြောင့် 'အရိယာသီလ'၊ ၁၀။ ကျင့်သုံးသင့်၊ ကျင့်သုံးအပ်၊ ကျင့်သုံးထိုက် သောကြောင့် 'သိက္ခာပဒသီလ'။ ဤသို့လျှင် နာမည် (၁၀)မျိုးဖြင့် ခေါ်ဝေါ်သုံး နှုန်းကြလေသည်။ ကုရုတိုင်းသားများက 'ဂရုဓမ္မသီလ'ဟု ခေါ် သော (ငါးပါးသီလ)ကို စောင့်ထိန်းကြသကဲ့သို့ ကမ္ဘာသူ, ကမ္ဘာသား၊ မြန်မာနိုင်ငံသူ, မြန်မာနိုင်ငံ သားများကလည်း ငါးပါးသီလကို အထူးစောင့် ထိန်းနိုင်ကြစေရန် နှိုးဆော်လိုက်ရပါသည်။ မိမိကိုယ်ကို လည်းကောင်း၊ သူတစ်ပါးကို လည်းကောင်း အပြစ်မဖြစ်စေသော အပြုအမူ, အပြောအဆိုများ ပြုမူ, ပြောဆိုခြင်းဖြင့် မိမိတို့၏ ကိုယ်ကျင့်သီလ အကျင့်တရားများကို မြင့်မား သထက် မြင့်မားလာရအောင် ထူထောင်နိုင်ကြပါ စေကြောင်း 'ဂရုဓမ္မ အခါတော်နေ့'အထိမ်းအမှတ် အဖြစ် ပတ္ထနာပြု တိုက်တွန်းလိုက်ရပါသည်။ Credit - (ဒေါက်တာသောပါက) (20. 9. 2021) ဝိစာရ (ကွေ့မ) ဒက္ခိဏာရာမကျောင်းတိုက်

22134

1475

105

There are no more comments for this video.

To see more videos from user @uzin.myo3, please go to the Tikwm homepage.