@farduusabdulahi0: Mararka qaar qofku wuxuu raadiyaa deganaansho, farxad iyo meel uu murugadiisa ku dejiyo… isagoo illoobaya xus fudud oo carrabku si sahlan u odhan karo, ajarkiisuna aad u weyn yahay: saliga Nabiga ﷺ. Allaah Subxaanahu wa Tacaalaa wuxuu Qur’aanka ku yiri: ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾ “Runtii Allaah iyo malaa’igtiisu waxay ku salliyaan Nabiga. Kuwii xaqa rumeeyow, ku salliya oo si wanaagsan u salaama.” [Al-Axzaab: 56] Markaad tiraahdo: اللهم صلِّ وسلم على نبينا محمد ﷺ waxaad samaynaysaa cibaado uu Allaah ina faray. Nabigu ﷺ wuxuu sheegay in qofkii hal mar ku salliya, Allaah uu ku sallinayo toban jeer. Sidaas darteed, ha yaraysan erayga aad mar kasta carrabkaaga ku celin karto. Markaad subaxdii soo toosto… markaad jidka marayso… markaad shaqada guriga hayso… markaad sugayso wax aad rajaynayso… marka aad murugaysan tahay… marka aad faraxsan tahay… iyo xitaa marka aanad garanayn waxa aad odhan lahayd— ku salliya Nabiga ﷺ. Waxaa laga yaabaa in eray yar oo carrabkaaga ka soo baxa uu kuu noqdo ajar weyn oo aad Maalinta Qiyaamaha u baahato. Ha u malayn in saliga Nabiga ﷺ uu yahay eray keliya oo la yiraahdo; waa xusuus, jacayl iyo maamuus loo muujinayo Rasuulkeenna Muxammad ﷺ. Aan carrabkeena ku qurxinno:

A+🩸

Open In TikTok:

Region: SO

Sunday 20 September 2026 13:38:56 GMT