@shehr_e_udasi: کبھی کبھی انسان کسی ایک شخص کو اپنی پوری دنیا سمجھ بیٹھتا ہے۔ اس کی ایک مسکراہٹ میں سکون ڈھونڈتا ہے، اس کی ایک بات میں اپنی خوشی، اور اس کی موجودگی میں اپنی زندگی مکمل محسوس کرتا ہے۔ مجھے بھی کچھ ایسا ہی گمان تھا کہ تم میرے ساتھ رہو گے تو ہر مشکل آسان ہو جائے گی، ہر اداسی تمہاری ایک بات سے ختم ہو جائے گی، اور ہر آنے والا کل ہمارے نام ہوگا۔ میں نے تمہیں صرف محبت نہیں کی تھی، میں نے تم پر یقین کیا تھا۔ تمہاری خاموشیوں کو سمجھنے کی کوشش کی، تمہاری ناراضی کو اپنی غلطی سمجھا، تمہاری دوریوں کو مجبوری کا نام دیا اور ہر بار خود کو یہ کہہ کر تسلی دی کہ شاید حالات ٹھیک ہو جائیں گے۔ مگر وقت گزرتا گیا اور مجھے احساس ہوا کہ جس شخص کے لیے میں اپنی دنیا چھوڑنے کو تیار تھا، وہ میرے لیے چند لمحے بھی روکنے کو تیار نہیں تھا۔ آج بھی جب تمہاری یاد آتی ہے تو دل تمہیں برا نہیں کہتا، بس خاموش ہو جاتا ہے۔ کیونکہ محبت میں شکایت بھی اسی سے کی جاتی ہے جس سے امید باقی ہو۔ تم سے تو اب صرف ایک خاموش سی دعا ہے کہ جہاں بھی رہو، خوش رہو۔ اگر کبھی میری یاد آئے تو بس اتنا یاد رکھنا کہ کوئی تھا جو تمہیں دل سے چاہتا تھا، تمہاری خوشی کے لیے اپنی کئی خواہشیں چھوڑ گیا تھا، اور تمہارے بعد بھی تمہیں بددعا نہیں دے سکا۔ شاید ہماری کہانی کا انجام ساتھ چلنا نہیں تھا، مگر میرے دل میں تمہارا قصہ ہمیشہ ادھورا ہی رہے گا۔ کچھ محبتیں منزل تک نہیں پہنچتیں، مگر انسان کے اندر ہمیشہ کے لیے گھر بنا لیتی ہیں۔ تم بھی میری زندگی کا وہی ادھورا باب ہو… جسے میں بند تو کر دوں گا، مگر کبھی مکمل طور پر بھول نہیں پاؤں گا۔ 💔🥀

شہرِ اداسی 🥀

Open In TikTok:

Region: PK

Sunday 20 September 2026 14:08:30 GMT