ہم سے جڑے لوگوں کی زندگی ہماری جاگیر نہیں ہوتی ۔ ہمارا ان پر اتنا ہی حق ہوتا ہے جتنا وہ ہمیں اختیار دے . حد سے تجاوز کرنے والے چاہے لوگ ہوں یا عمارتیں بل آخر ایک دن انہیں گرا ہی دیا جاتا ہے ۔ جن کے قریب رہنا ہو ان سے ہمیشہ تھوڑے فاصلے پہ رہا جاتا ہے کہ سامنے والے کسی گھٹن یا ذہنی دباؤ کا شکار نہ ہو جائیں ، نہ ہی انہیں یہ احساس لے ڈوبے کی وہ ہر وقت کسی کی نظروں میں ہیں یا کوئی ان کے تعاقب میں ہے۔ ہم تعلقات میں بگاڑ ہی یہاں سے پیدا کرتے ہیں کہ جو ہمیں مان دے مقام دے ہم اس یہ مکمل قابض ہونا شروع کر دیتے ہیں۔ کہیں بھی رہنا ہو یا یوں کہنا چاہیے کہ کہیں بھی دیرپا اور موثر رہنا ہو تو اپنے مزاج میں توازن برقرار رکھیں، جلد بازی نہ کریں کہ دوسروں کی زندگی آپ کی تابع ہو جائے۔ ہر انسان کی زندگی کے دو رخ ہوتے ہیں ایک اس کے اپنے لیے اور ایک دنیا کے لیے ۔ ہر انسان کے پاس اپنے لیے جینے کی آزادی ہونی چاہیے۔ اور یہ ایک انسان کا بنیادی حق بھی ہے۔ اپنی ذات کی انا کی تسکین کے لیے ہم دوسروں پہ بلا وجہ قابض ہونے کے چکر میں اپنے ساتھ ساتھ دوسروں کی بھی بے سکونی کا بندوبست کرنے کے سوا اور کچھ بھی نہیں کرتے Dm for custom work and orders. . . . #art #arabiccalligraphy #explorepage #painting #foryoupagе - @anamchoudharyart5