@neveen_fahmy: في خلافات، طرف بيبقى هدفه مش إنه يفهمك أو يصلّح اللي بينكم… هدفه إنه يكسب الجدال. فيقلّل من مشاعرك، ويهوّن من الموقف اللي وجعك، وبدل ما يحتويك ويطمنك، يستهلك طاقتك في الجدال، ويفتح مواضيع قديمة، ويقلب الكلام عليك… لحد ما تتعب وتسكت. وبعد ما تكون اتكسرت واستنزفت، يقولك: «حقك عليا… ماتزعلش.» بس هو مش واخد باله إن الاعتذار بعد ما كسرك مش بيمسح أثر اللي حصل. آه… ممكن تكون كسبت الجولة. وممكن فعلًا خليته يسكت. لكن في المقابل، خسرت حاجة أهم: خسرت أمانه معاك، وخسرت جزء من مشاعره، ويمكن خسرت قلب كان لسه عايز يحل ويكمّل. مش كل خلاف محتاج حد يكسبه. أحيانًا العلاقة محتاجة حد يسمع، يفهم، يحتوي، ويصلّح… مش حد يثبت إنه الأقوى في الجدال. لأنك ممكن تكسب النقاش… وتخسر العلاقة.#ارشاد_نفسي #صحه_نفسيه #creative #علاقات #makingmemories

neveen_fahmy

Open In TikTok:

Region: EG

Sunday 20 September 2026 17:57:29 GMT