@user1866606632997: أحياناً الحب ما بجيك في شكل حبيب… بجيك في شكل صاحب🤍 زول في البداية ما كان بينكم غير الونسة، تضحكوا سوا، تحكوا عن يومكم، وتشتكوا من الدنيا لبعض… من غير ما واحد فيكم ينتبه إنو التاني بقى جزء من يومو. بمرور الزمن، بتلقى نفسك أول ما يحصل ليك حاجة، عايز تحكي ليهو. وأول ما تتضايق، بتفتش صوتو. وأول ما تفرح، بتتمنى يكون أول زول يعرف. وبدون ما تحس…🤍 الصاحب البكان مجرد «صاحب» بقى الشخص الوحيد البتلقى معاهو راحة قلبك. الحب الحقيقي مرات ما ببدأ بنظرة ولا كلمة «بحبك»… ببدأ بـ «أنا مرتاح معاك»، وبعدها بي زمن بتكتشف إنو الراحة دي كانت حب… بس قلبك كان لسه ما عارف يسميها. وأجمل حاجة؟ إنك ما حبيت زول ما بتعرفو… إنت حبيت زول عرفتو الأول، واطمأننت ليهو، وبعد داك قلبك اختارو. ❤️

Roaa Modather

Open In TikTok:

Region: SD

Sunday 20 September 2026 18:06:38 GMT