انا كشاب عمري 24 سنة وداخل علي 25 سنة وللان ضايع ساااي وما انا براي 80٪ من شباب البلد ضايعين زيي واكتر بقت الرفاهيات بالنسبة لينا ناكل ونشرب بس وننوم ونقوم الصباح نعافر ... بسبب البلد ووضع البلد من قمنا تفكر تشتغل الشغل اكل ما بكفيك ولا بعالجك لو مرضت تفكر تتاجر انهيار العملة الكل راس ساعة غير المعاكسات والجرجرة واكل الحق من غير وجه حق وبضاعتك تتمسك بدون سبب بس عشان تدفع قروش وفي الاخر تخسر معاك تفكر ترجع تعمل مشروع او محل الحكومة وجبايات واستغلال وقلع عينك عينك ظلم ظلم الي ما لا نهاية تسافر تشتغل برة حتكون جاري عمرك كله ورا المرتب وما بكفيك ولا بكفي اهل بيتك اصلاً عشان توفر منه وتأسس مستقبلك وتبني بيتك وتتم نص دينك💔 جد جد مفترض نعمل شنووو؟ ونمشي وين؟ جوه بلدك تعيش مظلوم وبرة بلدك تعيش مظلوم جوه بلدك تكافح عشان ابسط حقوقك وبرة بلدك تكافح عشان تعرف تعيش أنت واهلك تشتغل وتتعب بدون فايدة تتاجر مخاطرة ومليون فالمية رأس مالك زاتوو تفقدو تعمل مشروع تلقى ناس الجبايات واقفين صف تسافر تلقى غربة ووحدة ومسؤوليات ما بتنتهي والاصعب من دا كله انك بتشوف عمرك ماشي قدام عيونك واحلامك البسيطة البتحلم بيها من زمان بقت محتاجة معجزة عشان تتحقق نحن ما دايرين قصور ولا عربات فارهة ولا حياة رفاهية ولا اي شي من دا نحن دايرين حياة عادية بس دايرين بلد أمن وشغل يخلينا نعيش بكرامة وبيت نقدر نبنيهو نسند بيهو اهلنا ومستقبل نقدر نخطط ليهو من غير ما نصحى كل يوم ونلقى الظروف كسرت حاجة جديدة فينا 💔 جيل كامل بقى ما عارف المشكلة فيهو ولا في الزمن البقى صعب للدرجة دي والله مرات الزول ما بكون كسلان ولا فاشل ولا ما عندو طموح... بس يكون تعب من كترة المحاولات. كل مرة تقول المرة الجاية حتتصلح كل مرة تبدأ من جديد. كل مرة تحاول تقوم تلقى حاجة جديدة وقعتك لكن برضو... ما عندنا غير نحاول نحاول عشان نفسنا عشان اهلنا وعشان الايام الجاية يمكن تكون ارحم من الايام الفاتت ربنا يفتحها علينا وعلى كل سوداني شايل هم مستقبلو وكل زول مجبور يبدا حياتو من الصفر رغم انو ما اختار الظروف البقى فيها دي 💔 ربنا يرزقنا حياة ما نحتاج فيها نكسر نفسنا عشان نعيش بس. والحمد لله على كل حال❤️🙏 #ربنا_يصلح_حال_البلد🇸🇩 #creatorsearchinsights #مليون_مشاهدة❤ - @mirghani.ali1