@dy8nuk2ihykf: ما في زول مشغول لدرجة ما يلقى دقيقة لزول بهمه، لكن في زول بيختار يحكي مع الأهم بالنسبة ليه. عشان كده ما تتعب نفسك في تفسير الغياب، ولا تقنع نفسك إنو الشخص مشغول طول الوقت. الاهتمام بيبان في الوقت، وفي السؤال، وفي الرغبة في التواصل. الزول البهمّه وجودك، حتى لو كان يومه مليان، بقدر يلقى ليك مساحة صغيرة. أما لما تلاحظ إنو عنده وقت لكل الناس إلا أنت، فالموضوع غالباً ما موضوع انشغال… الموضوع ترتيب أولويات. وأحياناً أقسى حقيقة إنك ما تكون مشغولاً عنه، لكن ببساطة ما تكون من أولوياته. وبدل ما نعاتب الناس على عدم اهتمامهم، الأفضل نحفظ كرامتنا ونفهم مكانتنا عندهم، لأن الأفعال دائماً أصدق من الأعذار