@malikiyyamediahub: Rt. Hon. Abdulmalik Sarkin Daji ya shiga cikin tawagar jami’an tsaro ta haɗin gwiwa, da suka haɗa da Sojoji, ‘Yan Banga da ‘Yan Sa-kai, domin tunkarar ‘yan fashin daji da masu garkuwa da mutane da ke addabar yankunan Kumbashi, Kakihum, Maburya da Shadadi. Malikiyya, tare da Hon. Aliyu Bagga da sauran jami’an tsaron da ke cikin tawagar, sun isa garin Shadadi, inda suka jajantawa al’ummar garin tare da tabbatar musu da cewa za a ci gaba da ɗaukar matakan da suka dace domin dawo da zaman lafiya da tsaro. Daga nan, tawagar ta isa Bangi, inda suka ziyarci sansanin ‘yan gudun hijira tare da isar da saƙon Gwamnan Jihar Neja, tare da tabbatar wa al’ummar yankin cewa gwamnati ba za ta yi kasa a gwiwa ba wajen ganin an kawar da barazanar ‘yan fashin daji, domin ‘yan gudun hijirar su samu damar komawa gidajensu cikin aminci da kwanciyar hankali. Allah Ya ba jami’an tsaro nasara a wannan aiki, Ya kare su, Ya dawo da su lafiya, Ya kuma dawo da zaman lafiya da kwanciyar hankali a yankunan Kumbashi, Kakihum, Maburya da Shadadi. Amin.

malikiyyamediahub

Open In TikTok:

Region: NG

Sunday 20 September 2026 22:03:55 GMT