මේ අහන්න, මිනිසුනි... 🙏 අවසන් වන තුරුම කියවන්න. මේ වීඩියෝව අද මා ඔබ වෙත ගෙන එන්නේ, මෙය මගේ හදවතටම දැනුණු අත්දැකීමක් වූ නිසාය. මාගේ කල්‍යාණමිත්‍ර වූ, කිරිවත්තුඩුවේ අරියදස්සන ස්වාමීන් වහන්සේ විසින් දේශනා කරන ලද උතුම් සමන්ත පට්ඨාන දේශනාව මම නිතරම ශ්‍රවණය කරමි. ඒ උතුම් ධර්ම දේශනාව කෙරෙහි මා තුළ ඇත්තේ මහත් ගෞරවයකි, ශ්‍රද්ධාවකි. එවන් පසුබිමක, තත්පර තුනකටත් අඩු ඉතා සුළු කාලයකදී මා රිය අනතුරකින් බේරුණු අවස්ථාවක් මට අත්විඳීමට සිදු වුණා. ඊයේ රාත්‍රී 11පසුවී මිනිත්තු 50ට පමණ වූවා. එම මොහොත සිට මොහොත දක්වා එය සිහි කරන විට, මගේ සිතට නැඟෙන්නේ එකම සිතුවිල්ලකි... මේ නම් උතුම් සමන්ත පට්ඨාන දේශනාවේ ආරක්ෂාවේ ආශීර්වාදයක්ම නොවේද? 🙏 එහිදී සිදු වූ දේ දෙකක් මට විශේෂයෙන්ම පුදුමයට කරුණක් වුණා. (01) වෙනදා කිසි විටෙකත් නොඑන ආකාරයේ එක් සිතුවිල්ලක් හදිසියේම මගේ සිතට පැමිණියා. (02) තත්පර තුනකටත් අඩු කාලයකදී, මීට පෙර සිදු වූ සිදුවීමක් මගේ මතකයට නැඟුණා. ඒ අනුව ක්ෂණිකව ක්‍රියා කිරීමට හැකි වීම නිසා අනතුර වළක්වා ගැනීමට මට හැකි වුණා. එවැනි කලබලකාරී අවස්ථාවක, ඒ මොහොතේම එවැනි පැරණි සිදුවීමක් මතකයට නැඟීම... වෙනදා කිසිදා නොඑන ආකාරයේ සිතුවිල්ලක් ඒ මොහොතේම පහළ වීම... මට නම් තවමත් පුදුමයක්. මේ අත්දැකීම මම ඔබ සමඟ බෙදාගන්නේ, උතුම් ධර්මය කෙරෙහි මා තුළ ඇති ශ්‍රද්ධාව නිසාය. ඉතින්, මෙය කියවන ඔබත් හැකි සෑම විටම උතුම් පට්ඨාන දේශනාව ශ්‍රවණය කරන්න. සජ්ඣායනා කරන්න. ධර්මය සිහි කරන්න. මම කළේ ශ්‍රවණය කිරීම පමණයි. ශ්‍රවණය කිරීමෙන් පමණක් මගේ ජීවිතයේ මෙවැනි අත්දැකීමක් ඇති වූයේ නම්... ශ්‍රද්ධාවෙන්, ගෞරවයෙන් යුතුව සජ්ඣායනා කළහොත් එහි ආශීර්වාදය කෙතරම් ගැඹුරු වේදැයි සිතා බලන්න...! ධර්මයේ ආනුභාවය අප සියලු දෙනාටම ආරක්ෂාවක් වේවා! ආශ්චර්යයි..! 🙏 මා සරණ ගිය මාගෙ තතාගත අරිහත් සම්මා සම්බුදුරජාණන් වහන්සේට නමස්කාර වේවා..!වේවා..!වේවා..! සාධු..! සාධු..! සාධු..! 🙏🪷 #නිවන්_මඟ #ධර්ම_දේශනා - @friendly_dhanuu