@wonderful.macedonia: Македонија е земја на сонцето, планините и плодните долини – земја во која лозата има посебно место во традицијата и културата. Од Тиквешијата, преку Повардарието и Демир Капија, па сè до лозарските предели во источна Македонија, лозјата се протегаат низ пејзажи обликувани од сонцето, почвата и водите на Вардар. Тука се создаваат вина со препознатлив карактер. Моќниот и богат Вранец, свежата и ароматична Смедеревка, како и бројните други домашни и меѓународни сорти, се претвораат во вина што ја раскажуваат приказната за македонското поднебје. Денес македонските вина се добитници на најпрестижните вински награди на сите светски саеми на вино. Македонските винарии денес ја спојуваат вековната традиција со современото знаење и технологија. Во нив можете да ги откриете винските подруми, да прошетате низ лозјата, да дегустирате различни сорти и да ја почувствувате гостопримливоста на луѓето кои со посветеност го создаваат македонското вино. Но, винската приказна не завршува со една чаша. Таа е патување низ природата, историјата, храната и културата. Затоа, кога ќе ја посетите Македонија, дозволете си да ја вкусите земјата. Наздравете со македонското вино – за сонцето, за традицијата и за новите приказни што допрва ќе бидат испишани. #wine #visitmacedonia #gastronomy #wineproduction #exploremacedonia

Wonderful Macedonia

Open In TikTok:

Region: MK

Monday 21 September 2026 05:41:26 GMT