@bizimshow_xeber: Serhedaz.az xəbər verir ki, redaksiyamıza daxil olan müraciətdə vətəndaş Məhəmmədova Aygün 2025-ci ildə keçirdiyi estetik əməliyyatdan sonra ciddi fəsadlarla üzləşdiyini iddia edir və məsələ ilə bağlı geniş jurnalist araşdırması aparılmasını xahiş edir. Vətəndaşın sözlərinə görə, o, 30 mart 2025-ci ildə “Medi Hall” klinikasında həkim kimi təqdim olunan Məryəm Abasova tərəfindən göz nahiyəsindən əməliyyat olunub. Müraciətdə bildirilir ki, əməliyyatdan sonra gözlərində ciddi problemlər yaranıb, üz görünüşündə nəzərəçarpacaq dəyişikliklər baş verib və o, artıq bir ildən çoxdur bu nəticələrlə mübarizə aparır. Aygün Məhəmmədova qeyd edir ki, məsələ ilə bağlı hüquq-mühafizə orqanlarına müraciət edib, tibbi ekspertizadan keçib və araşdırma prosesi hazırda davam edir. Onun sözlərinə görə, əməliyyatdan əvvəlki və sonrakı vəziyyəti əks etdirən fotoşəkillər, tibbi sənədlər və ekspertiza materialları mövcuddur. İddialar yalnız əməliyyatla məhdudlaşmır Vətəndaş müraciətində diqqət çəkən digər məqam isə sosial şəbəkələrdə, xüsusilə TikTok platformasında @dr.abasova adı ilə estetik cərrahiyyə əməliyyatları və prosedurları paylaşan şəxslə bağlıdır. Müraciətdə iddia olunur ki, həmin şəxsin Azərbaycanda estetik cərrah kimi fəaliyyət göstərməsi ilə bağlı Səhiyyə Nazirliyinin rəsmi icazə sənədlərinin və tibbi fəaliyyət hüququnun olub-olmaması araşdırılmalıdır. Vətəndaş bu məsələyə rəsmi qurumlar tərəfindən aydınlıq gətirilməsini tələb edir. O, jurnalist araşdırması çərçivəsində aşağıdakı məsələlərin yoxlanılmasını istəyir: diplom və ixtisas sənədləri; Azərbaycanda tibbi fəaliyyət göstərmək hüququnu təsdiq edən sənədlər; sertifikasiya və digər peşə fəaliyyətinə dair sənədlər; hazırda fəaliyyət göstərdiyi tibb müəssisəsinin hüquqi əsasları. Rəsmi qurumlar araşdırma aparmalıdır Serhedaz.az hesab edir ki, vətəndaşın səsləndirdiyi iddialar ictimai maraq doğuran məsələdir və aidiyyəti dövlət qurumları tərəfindən obyektiv araşdırılmalıdır. Redaksiya Səhiyyə Nazirliyini, eləcə də aidiyyəti hüquq-mühafizə orqanlarını müraciətdə səsləndirilən iddiaları araşdırmağa, həmin şəxsin tibbi fəaliyyət hüququ və sənədləri ilə bağlı rəsmi mövqe açıqlamağa çağırır. Qeyd: Bu material vətəndaşın Serhedaz.az-a təqdim etdiyi müraciətdə yer alan iddialar əsasında hazırlanıb. İddialar hazırda rəsmi araşdırma predmetidir və Serhedaz.az qarşı tərəfin mövqeyini də dərc etməyə hazırdır.

bizimshow_xeber

Open In TikTok:

Region: AZ

Monday 21 September 2026 06:17:26 GMT