اگاں تئی دل بدل بوت ءُ منی جِنک ءَ گوں مھر نبوت گُڑا آئی ءَ تکلیپ مہ دے منی کر ءَ بیارے من ءَ واپسے بکن، اے بس یک سوجے نہ اِنت بلکہ یک پِتے ءِ چَہ دل ءِ جُھلانکی ءَ دراتکگیں درد، بیم ءُ مھر ءِ خلاصہ اِنت، ھما ساھت کہ اے وھد ءَ آ وتی جِنک ءَ رُکست کنگ ءَ بیت، ایشی ءِ واستہ چَہ دنیا ءَ درستاں مشکل تریں ساھت بیت، پرچاکہ آ بس یک رِشتھے دیگ ءَ نبیت بلکہ وتی زندگی ءِ یک بَھرے دگرے ءِ ھوالہ ءَ کنگ ءَ اِنت، آئی ءَ وتی چُک چَہ زمانگے ءَ سمبال اِتگ، آئی ءِ وشیانی، اَرسانی، وابانی، گواہ بیت، ءُ پد ءَ یک روچے آ درستاں یک اَنچیں مردمے ءِ ھوالہ ءَ کنت کہ آئی ءِ سر ءَ بیسہ کنگی بیت، بلے اے بیسہ ءِ سر ءَ یک تُرسے ھم بیت، یک بیمے کہ اگاں وھدے جاوَر بدل بوت اَنت، اگاں وھدے مھر کم بوت، اگاں وھدے دلاں دوری آتک، گُڑا آئی ءِ جِنک ءَ تکلیپ دیگ مہ بیت، ھمے آ مارشت اِنت کہ گالرِد ءِ تہ ءَ چیر اِنت، آ ایش گُشگ ءَ نہ اِنت کہ ھر وھد ءَ مھر بکن پرچاکہ آ زانت کہ انسان بدل بنت، جاوَر بدل بنت، بلے آ ایش اَلَّم گُشگ ءَ اِنت کہ اگاں مھر ھلاس ھم بہ بیت بلے اِزّت ءَ ھلاسی ءَ میل، تکلیپے مہ دے، دل ءِ مہ پروش، آئی ءَ ذلیل مکن، بس آئی ءَ واپس بکن پرچاکہ آ زانت پروشتگیں دل ءِ سمبالگ آئی ءِ واستہ ھم آسان نبیت، بلے آ وتی جِنک ءَ درد ءِ تہ ءَ دیست نکنت،اے گالرِد پِت ءِ گیرت، مھر، ءُ بے بسی سے ائیناں زاھِر کنت، آ وتی جِنک ءِ واستہ دنیا ءِ ھرچ وشی ءَ لوٹ اِیت، بلے آ ایش ھم زانت کہ دنیا ھر وھد ءَ آ وڑ نبیت کہ ما لوٹینیں، ھمے واستہ آ چَہ پیسر ءَ یک راھے دنت، یک ھَدّے ایر کنت، کہ اگاں ھمراہ کُت نہ کُت گُڑا انسانیت ءَ یل مکن، ھمے آ درس اِنت، کہ آ گالرِد ءَ اَنچائیں گالے ءَ چِہ گیشتِر جُھل کنت، اے بس زامات ءِ واستا نہ اِنت، بلکہ ھرچ ھما انسان ءِ واستا کلوے کہ گوں کسے ءَ سیادی کنت کہ اگاں مھر ھلاس بوت گُڑا آئی ءَ نپرت ءِ تہ ءَ بدل مکن، پرچاکہ نپرت بس دومیگ ءَ اناں بلکہ وت ءَ ھم سوچ اِیت، ءُ سیادی بس چَہ مھر ءَ اناں بلکہ چَہ اِزّت ءَ ھم ھست بیت، اگاں اِزّت بَچ اِت گُڑا جِتائی ھم برداشت بیت، بلے اگاں اِزّت ھلاس بوت گُڑا یکجاھی ھم ھزاب جوڑ بیت، ھمے سوب اِنت کہ یک پِتے وتی جنین چُک ءِ واستہ بس مھر اناں بلکہ اِزّت ءُ سکون تَلب کنت، پرچاکہ آ زانت کہ ھمے آ چیز اَنت کہ زندگی ءِ گوازینگ ءِ کابل جوڑ کن اَنت، ءُ ھمے آ مارشت اِنت کہ آ ایش گالرِد ءَ بس گالے اناں بلکہ یک سرجمیں کسھے جوڑ کنت، یک اَنچیں کسھے کہ ایشی ءِ تہ ءَ مھر ھم ھست، تُرس ھم ھست، دُوا ھم ھست، ءُ یک پِتے ءِ پروشتگیں بلے مُھکمیں دلے ھم ھست،🌸 #creatorsearchinsights #unfrezzmyaccount #foryoupage #foryou #viralvideo - @shaman000070