@user1156756310868: الشيخ عبد الباسط عبد الصمد مش مجرد قارئ عظيم دخل تاريخ دولة التلاوة المصرية من أوسع أبوابها•••• ده صوت كان عنده قدرة غريبة إنه ياخدك من أول لحظة ويحطك في عالم تاني خالص•••• من الخمسينيات ولحد النهارده صوت عبد الباسط لسه قادر يلفت الناس لكتاب الله ويشدهم لسماع القرآن بطريقة تخليك عايز تكمل وماتقفش•••• زمان الراديو كان هو الوسيلة والناس كانت تستنى صوت عبد الباسط وتلتف حواليه وكأنهم على موعد مع حاجة أكبر من مجرد تلاوة•••• والجميل إن الرحلة غالبًا ما بتقفش عند عبد الباسط•••• هو بيكون البداية•••• تسمع صوت مكة بصوته فتتفتح قدامك أبواب تانية وتبدأ تكتشف عالم القراء ومدارسهم وألوانهم المختلفة•••• تلاقي واحد قلبه راح لمصطفى إسماعيل•••• وواحد تاني سحره المنشاوي•••• وواحد عاش مع البنا•••• وغيرهم كتير كل واحد فيهم له مذاقه ومدرسته وحضوره•••• لكن يفضل عبد الباسط في حتة خاصة جدًا•••• كأنه جواز السفر اللي بيخليك تدخل عالم القراء وتبدأ الرحلة الحقيقية مع كتاب الله•••• يمكن عشان كده عبد الباسط مش بس قارئ الناس بتحبه•••• ده صوت كان سبب إن ناس كتير أصلًا تحب تسمع القرآن وتكتشف بعد كده عظمة دولة التلاوة المصرية بكل مدارسها وأصواتها•••• رحم الله الشيخ عبد الباسط عبد الصمد وجزاه عن كتاب الله وعن كل أذن سمعت القرآن بصوته خير الجزاء•••• #عبدالباسط_عبدالصمد #أبوالريحانة #اكسبلور؟

535

2026-09-21 13:01:48

2026-09-21 13:49:45

To see more videos from user @user1156756310868, please go to the Tikwm homepage.