@yasmeenjabari_1989: Trileçe كيكة الحليب التركية او القشطوطة بعتذر عن قصر الفيديو بس هيك قانون الريلز بس كل المقادير واسرار وتفاصيل نجاح الوصفة كتبتها بالأسفل وصدقا هاي الطريقة رح تنجح معكم في كل مرة تعملوها بس اقرؤوا الملاحظات كويس ……. English in the comments الكيك الإسفنجي: مقاس الصينية 23*33 cm ٥ بيض ٣/٤ كوب سكر( ١٥٠غ ) ١ ملعقة صغيرة فانيلا ١ ملعقة كبيرة خل ١ كوب طحين + ١ ملعقة كبيرة طحين ( ١٥٠ غ) ١ ملعقة كبيرة باكينغ باودر ( ١٠ غ) ******* خفق البيض والفانيلا والخل والسكر اقل شيء 5 دقايق عادي لو عشر دقايق المهم يتضاعف حجمه ******اضافة الطحين على دفعتين مع التحريك بالسباتيولا من تحت لفوق وأول ما يختفي الطحين بنوقف ****** حطو ورقة زبدة في قاع الصينية ودخلو الصينية الفرن على درجة حرارة 160c لمدة نصف ساعة. اتركو بالقالب عشر دقايق وبعدين اقلبو وشيلو ورق الزبدة ورجعو على نفس القالب. _______________________________ خليط التشريب: ١ لتر حليب ١ كوب كريمة سائلة ١ ملعقة كبيرة سكر ******* لازم يكون خليط التشريب بارد والكيك فاتر ******* بنترك الكيك في الثلاجة ساعة لحتى يتشرب السوائل ويبرد منيح. ______________________________ الكريمة : ٣ ظرف كريمة شانتيه باودر ١ كوب حليب بارد جدا ١ ملعقة كبيرة فانيلا ****** بعد اضافة طبقة الكريمة لازم يبرد الكيك تماما اقل شيء 4 ساعات في الثلاجة قبل الكراميل. ****** بأول دقيقتين من خفق الكريمة بنشيل ربع كوب على جنب للتزيين فيه لازم تكون كريمة التزيين مش جامدة ومتماسكة __________________________________ الكراميل : ١ كوب سكر ٢ ملعقة كبيرة زبدة ١ كوب حليب ساخن ١ ملعقة كبيرة نشا مذوبة في ٢ ملعقة كبيرة حليب ******** نبدأ بتحريك السكر اول ما يدوب على الأطراف وبنضل نحرك لحتى يدوب بشكل كامل ويصير لونه عسلي وبعدين بنوطي النار على الاخر وبنضيف الزبدة مع التحريك المستمر وبس تدوب الزبدة بنضيف الحليب وهو سخن بنلاحظ انو السكر تكتل كتل كبيرة بنضل نحرك لحتى يرجع للحالة السائلة تماما وبالاخر بنضيف النشا وبنحرك لحتى يثقل الخليط وبنصبه بصحن تاني. ******* لازم يكون الكراميل دافي او فاتر قبل ما نصبه فوق الكيكة والكريمة وبنضيف شوي شوي لحتى ما يخرب طبقة الكريمة ويفوت جواها. ****** بعد الكراميل بندخل الحلو الثلاجة ليلة كاملة ليصير بارد ومتماسك ومتجانس في النكهات وصحتين. _________________________________ #yasmeenaljaabari #trileçe #تريليتشا_التركية #كيكة_الحليب #القشطوطة

Yasmeen Aljabari

Open In TikTok:

Region: CA

Monday 21 September 2026 13:25:10 GMT