مجھے لگتا ہے چائے میں ڈالی ہوئی چینی کا بھی ایک دل ہوتا ہے، اس کی بھی اپنی سیلف ریسپیکٹ ہوتی ہے۔ وہ خاموشی سے چائے میں گھلتی ہے، اپنا وجود مٹا کر ہمیں مٹھاس دیتی ہے، مگر جب اسے نظر انداز کیا جائے تو وہ شور نہیں مچاتی، کوئی شکایت نہیں کرتی، بس آہستہ سے اپنا ذائقہ سمیٹ کر کہیں دور چلی جاتی ہے۔ پھر ہم وہی چائے پیتے ہیں، وہی کپ ہوتا ہے، وہی خوشبو، وہی گرمی… مگر سب کچھ پھیکا پھیکا لگنے لگتا ہے۔ تب احساس ہوتا ہے کہ جو چیز ہمیں معمولی لگ رہی تھی، اصل میں وہی تو اس چائے کی خوبصورتی تھی۔ محبت کا حساب بھی کچھ ایسا ہی ہے۔ محبت کرنے والا انسان بھی چینی کی طرح ہوتا ہے۔ وہ آپ کی زندگی میں گھل کر اسے خوبصورت بناتا ہے، اپنی خوشیاں بانٹتا ہے، آپ کے دکھ سنبھالتا ہے، آپ کی خاموشیوں کو سمجھتا ہے اور بدلے میں صرف تھوڑی سی قدر چاہتا ہے۔ مگر جب اسے بار بار نظر انداز کیا جائے، اس کے خلوص کو معمولی سمجھا جائے، یا اس کی جگہ کسی اور مٹھاس کو اہمیت دی جائے، تو وہ بھی خاموش ہو جاتا ہے۔ محبت کرنے والے اکثر جاتے ہوئے دروازہ نہیں بجاتے، بس اپنا حصہ واپس لے لیتے ہیں۔ اور پھر انسان کے پاس وہی زندگی، وہی لوگ، وہی دن رہ جاتے ہیں… مگر دل میں ایک عجیب سی پھیکی پن اتر آتی ہے۔ تب سمجھ آتا ہے کہ کچھ لوگ زندگی میں صرف موجود نہیں ہوتے، وہ زندگی کو میٹھا بناتے ہیں۔🫠❤️🔥 #fypシ゚viral #viraltiktok #unfreezemyaccount #viralvideo - @uswabhatti4