@abebayehuassefatkursew: ሔኖክና እህቱ ታደሉ በአሳዛኝ የመኪና አደጋ ሕይወታቸው ማለፉን ስሰማ በእውነት ልቤ በጣም ተሰበረ። ድንገተኛ አደጋ ምን ያህል አስከፊ እንደሆነ የሚያሳየን አሳዛኝ ክስተት ነው። በደስታ ወደ ቤተ ዘመድ ለበዓለ መስቀል በመጓዝ ላይ ሳሉ፣ እንዲህ በድንገት ሕይወታቸው ማለፉ እጅግ ያሳዝናል። . ጅጅጋ 04 ቀበሌ አባቴ ቤት በምኖርበት ጊዜ ጎረቤቶቻችን ነበሩ። በተለይ ሔኖክ የኤሌመንተሪ ተማሪ እያለ ማታ ማታ ወደ ቤታችን እየመጣ፣ “አስጠናኝ” እያለ ይጠይቀኝ ነበር። ከልጅነቱ ጀምሮ ታታሪ ልጅ ስለነበር ጊዜ ሰጥቼ አስጠናው ነበር። . ያንን የልጅነቱን ጊዜ ዛሬ ሳስበው፣ ትዝታው ከሐዘኑ ጋር ተደባልቆ ይመጣል። ከልጅነቱ ጀምሮ የማውቀው ሔኖክ እንዲህ በድንገት ከሕይወት መለየቱን መቀበል በጣም ከባድ ነው። . ሰው አክባሪዋ ትሁቷ እህቱ ታደሉም እንዲሁ በዚህ አሳዛኝ አደጋ አብራው መለየቷ ሐዘኑን የበለጠ ከባድ አድርጎታል። አንዳንድ ሰዎች ከሕይወታችን ቢለዩም፣ የተዉልን ትዝታ ግን አይሞትም። ሔኖክና ታደሉም በልባችን ውስጥ በትዝታ ይኖራሉ። . ፈጣሪ ነፍሳቸውን በሰላም ያሳርፍ፤ ለቤተሰቦቻቸውና ለወዳጅ ዘመዶቻቸው ብርታትና መጽናናትን ይስጥ። . እጅግ አዝኛለሁ። ነፍሳቸው በሰላም ትረፍ። 🙏 via Getnet Tamrat