@millardayo_: Aliyekuwa Mke wa Rais wa Kwanza wa Zanzibar, Hayati Sheikh Abeid Amani Karume, Bi. Fatma Karume, amefariki dunia leo, Septemba 21, 2026, akiwa na umri wa miaka 97. Taarifa ya kifo cha Bi. Fatma imethibitishwa na Makamu wa Kwanza wa Rais wa Zanzibar, Hemed Suleiman Abdulla ambapo amesema kimetokea Mbweni usiku huu. Mama Fatma Karume alizaliwa Februari 2, 1929, Bumbwini Misufini, Mkoa wa Kaskazini Unguja, na baadaye akaolewa na Hayati Sheikh Abeid Amani Karume. Mbali na kuwa mke wa Rais wa Kwanza wa Zanzibar, Mama Fatma anatajwa kuwa miongoni mwa Wanawake walioshiriki katika harakati za kisiasa Zanzibar, ikiwemo kutetea haki ya wanawake kushiriki katika uchaguzi. Baada ya Mapinduzi ya Zanzibar ya Januari 12, 1964, alikuwa Mama wa Kwanza wa Zanzibar hadi mwaka 1972, wakati mumewe, Sheikh Abeid Amani Karume, alipofariki. Mama Fatma pia ni Mama wa Rais wa zamani wa Zanzibar, Amani Abeid Karume, aliyeiongoza Zanzibar kuanzia mwaka 2000 hadi 2010. #MillardAyoUPDATES

millardayo

Open In TikTok:

Region: TZ

Monday 21 September 2026 20:17:36 GMT