🔴 அனோஜனுக்கு மரண தண்டனை – இலங்கைக்கு உத்தியோகபூர்வமாக அறிவித்தது சவூதி! சவூதி அரேபியாவில் இலங்கையைச் சேர்ந்த சிவராசா அனோஜனுக்கு மரண தண்டனை விதிக்கப்பட்டுள்ளமை தொடர்பான உத்தியோகபூர்வ ஆவணம் இலங்கை வெளிவிவகார அமைச்சுக்கு கிடைத்துள்ளதாக வெளிவிவகார அமைச்சர் விஜித ஹேரத் நாடாளுமன்றத்தில் தெரிவித்துள்ளார். அனோஜன் விவகாரம் தொடர்பில் இன்று நாடாளுமன்றத்தில் விசேட உரையாற்றியபோதே அமைச்சர் இந்தத் தகவலை வெளியிட்டுள்ளார். அனோஜன் தொடர்பில் சவூதியில் ஷரியா சட்டத்தின் கீழ் நடவடிக்கை எடுக்கப்பட்டுள்ளதாகவும், ஆரம்பத்தில் இணையவழி சைபர் குற்றச்சாட்டு தொடர்பான வழக்கில் அவருக்கு 5 வருட சிறைத்தண்டனையும் 300 மில்லியன் சவூதி ரியால் அபராதமும் விதிக்கப்பட்டதாகவும் அமைச்சர் குறிப்பிட்டுள்ளார். அந்தத் தீர்ப்புக்கு எதிராக இலங்கை வெளிவிவகார அமைச்சின் தலையீட்டுடன் மேன்முறையீடு செய்யப்பட்ட நிலையில், மனுதாரர் தரப்பிலும் தண்டனை போதுமானதல்ல என மற்றுமொரு மேன்முறையீடு செய்யப்பட்டதாக அமைச்சர் தெரிவித்துள்ளார். அதன் பின்னரே அனோஜனுக்கு மரண தண்டனை விதிக்கப்பட்டதாகவும், அந்தத் தீர்ப்பு தொடர்பான உத்தியோகபூர்வ ஆவணம் நேற்றைய தினம் இலங்கை வெளிவிவகார அமைச்சுக்கு கிடைக்கப்பெற்றதாகவும் விஜித ஹேரத் தெரிவித்துள்ளார். இந்த நிலையில், அனோஜனின் அடுத்தகட்ட நீதிமன்ற நடவடிக்கைகள் குறித்து இலங்கை அரசு தீவிரமாக அவதானித்து வருவதாகவும் அமைச்சர் கூறியுள்ளார். மேலும், இந்த விவகாரம் தொடர்பில் ஆராய்வதற்காக பிரதி சபாநாயகர் ரிஸ்வி சாலி தலைமையில் ஆளும் மற்றும் எதிர்க்கட்சி நாடாளுமன்ற உறுப்பினர்களைக் கொண்ட தூதுக்குழுவொன்று சவூதி அரேபியாவுக்குச் செல்லவுள்ளதாகவும் தெரிவிக்கப்பட்டுள்ளது. #JusticeForAnojan #SaveAnojan #Anojan #SaudiArabia #SriLanka - @dinosha43