@rashidbattashy: KAULI YA RAIS MWINYI NA OMO BAADA YA UAPISHO LEO IKULU, ZANZIBAR YAFUNGUA UKURASA MPYA WA KISIASA ✍🏻 @rashidbattashy Baada ya takriban miezi 11 ya kusubiri tangu kukamilika kwa Uchaguzi Mkuu wa Oktoba 2025, Zanzibar leo imefungua ukurasa mpya katika mchakato wake wa kisiasa, baada ya Rais wa Zanzibar na Mwenyekiti wa Baraza la Mapinduzi, @dr.hmwinyi , kumwapisha @othmanmasoudothman kuwa Makamu wa Kwanza wa Rais wa Zanzibar. Hafla ya Kuapishwa kwa Othman Masoud imefanyika Ikulu ya Zanzibar, ikiwa ni hatua inayokamilisha nafasi ya Makamu wa Kwanza wa Rais katika muundo wa Serikali ya Umoja wa Kitaifa. Othman Masoud, ambaye pia ni Mwenyekiti wa @actwazalendo_official , amerejea katika nafasi hiyo baada ya chama chake kukubaliana kushiriki katika mchakato wa Serikali ya Umoja wa Kitaifa kufuatia mazungumzo ya kisiasa yaliyofanyika kwa kipindi cha miezi kadhaa. Mchakato huo ulifuatia hali ya kisiasa iliyojitokeza baada ya Uchaguzi Mkuu wa Oktoba 2025, ambapo ACT-Wazalendo haikuwasilisha mara moja jina la mgombea wake kwa nafasi ya Makamu wa Kwanza wa Rais. Hatua hii inatajwa kuwa sehemu ya utekelezaji wa mfumo wa Serikali ya Umoja wa Kitaifa na makubaliano ya kisiasa yaliyofikiwa kati ya @ccmtanzania na ACT-Wazalendo. Katika nyakati tofauti, Rais Dkt. Hussein Mwinyi pamoja na Othman Masoud wamezungumzia umuhimu wa mazungumzo, maridhiano na kuweka mbele maslahi mapana ya Zanzibar na wananchi wake katika kipindi hiki kipya cha kisiasa.

Rashid battashy

Open In TikTok:

Region: TZ

Tuesday 22 September 2026 10:25:29 GMT