@kidanzelalem: ንሓደ ሰብ "እፈትወካ'የ" ብምባል ፍቕርኻ ከተርእዮ ካብ እትጽዕር፡ ከም እትፈትዎ ዘርኢ ሓደ ግብሪ ከተርእዮ ይበልጽ። ከብዲ ብዝበላዕካዮ መግቢ እዩ ዝጸግብ፤ ምብላዕ እንተኣቋሪጽካ ግና ንሕድሕዱ ብምቅንጣው እናተበላልዐ ክሳቕየካ እንተዘይኮይኑ፡ ዝጭበጥ መግቢ የብሉን። ግብሪ ዘይብሎም ቃላት እውን ከምኡ እዮም—ንግዝያዊ መቓልሕ ካብ ምዃን ሓሊፎም ዝህብዎ ትርጉም የብሎምን! ከምቲ ከብድና መግቢ ከየእተወ ክዓግብ ዘይክእል፡ እቲ እንፈትዎ ሰብ እውን ዝጭበጥ ተግባር ከየጨበጥናዮ ክዓግብ ኣይክእልን እዩ። ሓቂ እዩ፡ ቃላትካ ኣብ ምምስራት ዝምድና ይሕግዙን ቀንዲ መሰረትን እዮምን፤ እንተኾነ ቃላት ግብሪ ዘይስዕቦም እንተዀይኑ፡ ልክዕ ከምቲ ናይ ሓሶት ዜና ንግዜኡ ጫው-ጫው ኣቢሉ ሕጥም ዝብል፡ ተግባር ዘይተኸተሎም ቃላት እውን ብግዜ እናበነኑ ብምኻድ ተኣማንነትካ እዮም ዘጥፍኡ። ስለዚ ነቲ "ካብ ኩንታል ጣፍ ክሻ ሓሶት" ዝብል ኣጉል ብሂል ንጎኒ ደርቢና፦ "ካብ ክሻ ቃላት ሓንቲ ተግባር ትበልጽ!" ብምባል ናይ ተግባር ሰባት ክንኮውን፡ ነቲ እፈትዎ እንብሎ ሰብ እውን ሓቀኛ ፍቕሪ ከነርእዮ ይገባእ! "ስኢነ እምበር ክሞተልኪ መዓስ እጸልእ" ዝብል ናይ ኣጋንኖ ቃል ገዲፍና፡ ኣብ ሙማት ከይበጻሕና በታ ንእሽቶ ግብሪ ንልቢ ፈታዊና ምሕጓስ ከምዝከኣል ምስትውዓል እቲ ዝበለጸ መገዲ እዩ! @ ዘፍጥረት

ሰረት

Open In TikTok:

Region: GB

Tuesday 22 September 2026 10:28:40 GMT