@millardayo_: Wakili wa Kampuni ya Sandaland Fashion Wear Limited, Cletus Nziku amesema mkataba wa jezi za Timu za Taifa uliosainiwa kati ya Kampuni hiyo na Shirikisho la Mpira wa Miguu Tanzania (TFF), Wizara yenye dhamana ya michezo haikuwa sehemu ya mkataba huo. Nziku amesema kwa mujibu wa taratibu za FIFA, TFF ina mamlaka ya kuendesha shughuli zake kwa kujitegemea bila kuingiliwa katika masuala ambayo yako chini ya mamlaka yake, hivyo si sahihi kumhusisha Mtu ambaye hakuwa sehemu ya mkataba katika masharti yaliyokubaliwa na pande zilizosaini. Hata hivyo, ameeleza kuwa hilo halimaanishi Wizara haina nafasi katika usimamizi wa michezo nchini, akisema ina mamlaka ya kutoa maelekezo kwa mujibu wa Sheria na sera zinazohusika, lakini mamlaka hayo yanapaswa kutekelezwa ndani ya mipaka iliyowekwa kisheria. #MillardAyoUPDATES