@hussamelkilany: تاني أحسن صوص في العالم!🫢 صوص كريمي أخضر بالكزبرة والمخلل والثوم، المفروض إنه يمشي مع أي أكلة، حتى لو كانت ممبار! النهارده هنعمل صوص سهل وسريع من غير أي تسوية، بالمايونيز والزبادي اليوناني والكزبرة الخضرا والمخلل والليمون والعسل. صوص كريمي ينفع مع الفراخ المقرمشة والساندوتشات والبرجر والمناقيش، بس السؤال المهم: هل فعلًا ممكن يمشي مع كل الأكلات؟ علشان أختبر الكلام ده، طلبت أكل من ٣ مطاعم مختلفة عن طريق خدمة توصيل المطاعم الجديدة على بريدفاست، واللي بقى ممكن تطلب منها أكلات مختلفة من المطاعم مع خصومات حلوة على الطلبات، وتوصلك لحد البيت. بدأت بستربس الفراخ المقرمشة من تشيكن ووركس، والصوص كان رهيب معاها. بعدها جربته مع منقوشة اللحمة بالجبنة من المخبز اللبناني، والمفاجأة إنه طلع خطير معاها برضه! أما الاختبار الأصعب فكان من مطعم طنط: ممبار وموزة ضاني. الصوص مع الممبار كان ماشي حاله، لكن الموزة الضاني أصلًا مش محتاجة أي إضافات. 🥣 المكونات ٢٠٠ جم مايونيز (حوالي ١٣ معلقة كبيرة) ١٧٠ جم زبادي يوناني (علبة) نص حزمة كزبرة خضرا تقريبًا ٣ حبات خيار مخلل من نص فلفلة لفلفلة خضرا حارة، حسب حرارة الفلفل ٢ فص ثوم مصري عصير ليمونة كاملة حوالي ١ وربع معلقة كبيرة عسل ٢ معلقة صغيرة صويا صوص فاتحة نص معلقة صغيرة كزبرة ناشفة ملح حسب الرغبة شوية مية مخلل مية عادية حسب القوام 👨‍🍳 الطريقة 1. نقطع الفلفل الحار ونشيل البذر، ونفرم نص حزمة كزبرة خضرا تقطيع خشن، ونقطع الخيار المخلل. 2. في الكبة نحط الفلفل الحار وفصين الثوم والمخلل والكزبرة الخضرا، ونضربهم مع بعض لحد ما يتفرموا كويس. 3. نضيف الزبادي اليوناني والمايونيز وعصير الليمونة والصويا صوص والملح والكزبرة الناشفة والعسل. 4. نضرب كل المكونات مع بعض لحد ما نحصل على صوص أخضر كريمي وناعم ومتجانس. 5. نزود شوية مية مخلل، وبعدها نخفف بمية عادية بالتدريج لحد ما نوصل للقوام المطلوب، ونضرب مرة أخيرة. نحط الصوص في زجاجة ضغط ونستخدمه مع الفراخ المقرمشة والبطاطس والساندوتشات والمناقيش، أو نجربه مع أي أكلة تانية ونشوف هينفع معاها ولا لأ.

Hussam El Kilany

Open In TikTok:

Region: EG

Tuesday 22 September 2026 13:33:40 GMT