@_077u: 80k ? مرات ندور بالحب على كلمات كبار، وأشعار، ووعود تملي السجّة، بس بالواقع الحقيقي؟ الاهتمام هو سيد العبارات كلهن. الانسان بطبعه ما يطلب المستحيل، وما يريد شخص يملك الدنيا حتى يكعد وياه، بس يريد شخص من يشوف الدنيا ضاكت بعينه، يلكاه أول الواكفين. الاهتمام هو هاي التفاصيل الزغيرة اللي ما تنقاس بالكم، تنقاس بالصدك هو من تلكا شخص يسال عنك، مو مجرد واجب، لا، لأن وجودك يفرق وياه، وغيابك يترك فراغ جبير. تلكاه يبين بابسط المواقف: من يوصيك "دير بالك على نفسك" وهو خايف عليك من الهوا الطاير، من يتذكر أبسط تفصيلة حجيتها قبل أيام ونسيتها أنت، ومن يلاحظ نبرة صوتك بالتليفون ويعرفك ضايج بدون ما تحجي. الاهتمام هو اللي يخلي العلاقة تعيش، وهو الطريقة الوحيدة اللي تخلي الواحد يحس نفسه مهم ومكانته محفوظة بگلوب الناس اللي يحبهم. المحبة بدون اهتمام مثل الوردة اليابسة، مهما چان شكلها حلو بالبداية، بدون ما تسقيها مي راح تموت وتتلاشى. والمهتم بيك صدك، ما يدور أعذار حتى ينشغل عنك، لأن اللي يريدك، يخلقلك من بين زحمة وقته ألف وقت حتى يتطمن عليك. لذلك، لا تطلب الحب من شخص ما يعرف يهتم.. لأن الحب الحقيقي يبدي بكلمة دافية، وينتهي بموقف يوكف بظهرك وما يخليك تحس بيوم إنك وحدك♥️ #fyp #foryou #بدون_هشتاق

Asr

Open In TikTok:

Region: IQ

Tuesday 22 September 2026 19:12:02 GMT