@mctuntun88: ကြည့်မြင်တိုင်တွင် ယာဉ်တိုက်မှုဖြစ် ၁၁ ဦး ဒဏ်ရာရရှိ ရန်ကုန်၊ စက်တင်ဘာ ၂၂ ရန်ကုန်တိုင်း၊ ကြည့်မြင်တိုင်မြို့နယ်တွင် Hijet ကားနှင့် Probox ကားတို့ဝင်တိုက်မှုကြောင့် ၁၁ ဦးဒဏ်ရာရရှိခဲ့ကြောင်း သိရသည်။ စက်တင်ဘာ ၂၂ ရက်၊ နံနက် ၂ နာရီကျော်က ကြည့်မြင်တိုင်မြို့နယ်၊ ကမ်းနားလမ်း၊ ဟုမ်းလမ်းမှတ်တိုင်အနီးတွင် Hijet ကားနှင့် Probox ကားတို့ဝင်တိုက်မှုကြောင့် အမျိုးသား ခြောက်ဦးနှင့် အမျိုးသမီးငါးဦးဒဏ်ရာရရှိခဲ့ကြောင်း သိရသည်။ “ယာဉ်တိုက်မှုဖြစ်စဉ်ကိုတော့ သေချာမသိလိုက်ရဘူး။ ကျွန်တော်တို့ရောက်တဲ့အချိန် လူနာများတော့ ဖြစ်စဥ်မစုံစမ်းနိုင်ပဲ လူနာတွေကို အရေးပေါ်ပြုစုပြီး ဆေးရုံပို့ရတာမို့လို့ပါ။ ကားကတော့ Hijet နဲ့ Probox တိုက်တာ။ လူနာတွေက ဒလဘက်ကလို့သိရတယ်။ စျေးကြိုကားလို့ထင်တယ်။ စိုးရိမ်ရတဲ့သူကတော့ ကျွန်တော်အမြင်တော့ သုံးယောက်တော့ပါမယ်ထင်တယ်။ ကျန်တာတွေကတော့ ဆရာဝန်တွေပဲ အသေးစိတ်သိမှာပါ။” ဟု မြို့ခံလူမှုကူညီရေးအသင်းမှ အသင်းဝင်တစ်ဦးက ယနေ့ခေတ်သို့ ပြောသည်။ ယာဉ်တိုက်မှုတွင် ဒဏ်ရာရရှိသူများကို ကြီးလေးကြီးအသင်းလူမှုကူညီရေးအသင်း အားမာန်အသင်းနှင့် ပြည်သူလူရွှင်တော်အသင်းတို့က ရန်ကုန်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။ ပြီးခဲ့သည့် မတ်လ ၂၀ ရက်၊ နံနက် ၆ နာရီခန့်က လည်း လှည်ကူးမြို့နယ်၊ အမှတ်(၃)လမ်းဆုံ၊ စစ်ဆေးရေးဂိတ်အနီးတွင် ခရီးသည်တင် Express ကားနှင့် Delivery ကားတို့တိုက်မိပြီး အမျိုးသားနှစ်ဦး သေဆုံးခဲ့ကြောင်း သိရသည်။ ထို့အပြင် ဖေဖော်ဝါရီ ၃ ရက်၊ နံနက်ပိုင်းကလည်း လှည်းကူးမြို့ အမှတ်(၂)လမ်းမကြီး၊ အင်းတိုင်ကျေးရွာတွင် ဖယ်ရီကားနှင့် ဘတ်စ်ကား မျက်နှာချင်းဆိုင်ဝင်တိုက်ပြီး၊ ဖယ်ရီကားပေါ်လိုက်ပါလာသည့် ၃၃ ဦးအနက်၊ အမျိုးသားတစ်ဦးနှင့် အမျိုးသမီးလေးဦးသေဆုံးကာ၊ ၂၈ ဦး ဒဏ်ရာရရှိခဲ့ကြောင်း သိရသည်။ #ချစ်ချစ်ခိုင် ဓာတ်ပုံ-ကြီးလေးကြီး #ယနေ့ခေတ် #Crd:

19395

350

2026-09-24 10:02:46

2026-09-24 10:00:19

2026-09-23 05:42:17

2026-09-23 14:39:26

To see more videos from user @mctuntun88, please go to the Tikwm homepage.