@seifhussam3d: من سنتين ونص جيبت عربيه كنت بحلم بيها والنهردا عيد ميلاد أختى الصغيره الى اصغر منى ب 14 سنه.. وديه رساله ليها ولل جيل الصغير. واحد من اهم الاسباب الى خلانى اجبها هو انتى , كنت عايز اوريكى ان ب الشغل والاجتهاد الانسان ممكن يعمل حاجات عمروا ما كان يحلم ب ربعها , فى يوم من الايام انا مش هكون موجود بس الرساله هتكون موجوده وهى ان مفيش احلى من انك تتعلمى وتذاكرى وتعرفى ان العالم كبير وفيه معلومات اكبر من الى ممكن تتخليها وان الدنيا هتختبر صبرك وقوتك. وعايز اقولك ان انك هتفشلى اكتر بكتير من انك هتنجحى, لأن مفيش حد بينجح غير ما بيفشل كتير أوى. عايزك تفتكرى ان فيه اوقات الدنيا هتكون صعبه وهتحسى انك مش عايزه تكملى ولكن ده اهم وقت تكملى فيه. الفشل الحقيقى هو انتهاء المحاولات او انك تقررى انك مش هتحاولى تانى.. فيه اوقات اسهل حاجه هتلاقيها هو انك تقولى انك فاشله او ان الدنيا صعبه او ان الدنيا ضدك ولكن ده مش حقيقى , ده جزء من اللعبه , جربى تانى وحاولى ومتسمحيش ل اى حد ف الدنيا يقولك انتى مين. يمكن انا محكتش القصه ديه فى اى حته ولا عمرى نزلت اصلا الموضوع ده لأن الهدف كان الامل للمقربين ليا اكتر من اى حاجه والهدف كان الذكريات انى بجيبك من المدرسه وفاتحين السقف وبنجرى والهدف كان اثبات انك هتقدرى تعملى اكتر من الى انا عملتوا بكتير.. فى يوم من الايام انا مش هكون موجود بس عارف انك هتفتكرى كلامى ده وكل سنه وانتى طيبه The World Belongs To The Bold.

Seif Hussam | 3D Artist

Open In TikTok:

Region: EG

Tuesday 22 September 2026 19:18:56 GMT