@mrmr.adel11: لو بتسألوا إزاي نساعد جسمنا يتخطّى شكل الترهلات أثناء رحلة نزول الوزن، فبالنسبة لي كان فيه حاجتين مهمين جدًا: ✨ نزول وزن تدريجي ومعتدل، من خلال عجز سعرات بسيط ومناسب. ✨ ممارسة الرياضة، وخصوصًا تمارين المقاومة والحديد، مع الحركة اليومية. أنا بدأت رحلتي مع الرياضة من حوالي 8 سنين، بالتزامن مع نظام غذائي صحي ومتوازن ومحسوب السعرات، وكان في البداية اعتمادي على المشي 🚶🏻♀️ وبعد كده بدأت أتابع تمارين المدربة سارة بوب فيت على يوتيوب، وبعدها دخلت تدريجيًا في تمارين المقاومة باستخدام وزن الجسم. والرياضة مش هدفها الشكل بس ❤️ هي مهمة لصحة القلب، والصحة النفسية، والحيوية والنشاط، وبتساعد على الحفاظ على الكتلة العضلية وتحسين شكل الجسم مع نزول الوزن. والأهم إن الرياضة مش مرحلة مؤقتة لحد ما نوصل للوزن اللي عايزينه؛ الاستمرار في الحركة بعد نزول الوزن بيساعدنا نحافظ على صحتنا ونشاطنا ونتائجنا. ودائمًا افتكروا: الاستمرارية أهم بكتير من المثالية. مش محتاجين أنظمة قاسية ولا تمارين مرهقة للجسم… محتاجين خطوات واقعية نقدر نستمر فيها #دايت #رياض #تمارين_رياضية #دايت_صحي #رجيم
انا بدأت دايت من ٤ شهور نزلت من ٨٠ كيلو ل ٧٢ ..منهم شهرين كاملين وزني ثابت ع ال ٧٢ ل ٧٠ طالعه نازله بينهم طول الشهرين ..زهقت اوي بجد نفسي اشوف الستينات معقول شهرين افضل ثابته