@omiernabil: في حب كده مابنختاروش… بنلاقي نفسنا اتولدنا بيه، وكبر جوانا من غير ما نحس. حب مكان حافظين شوارعه، عارفين ريحته، متعلقين بتفاصيله… وكل ركن فيه شايل حتة من عمرنا. مكان ساعات بيتعبنا، ويضيّق علينا، ويخلينا نسأل نفسنا: ليه كل ده؟ نزعل منه، ونعاتبه، ويمكن نقول هنمشي ومش راجعين… بس أول ما نبعد، نكتشف إن في حاجات جوانا عمرها ما سافرت. يمكن إحنا مش بنحب البلد عشان كل حاجة فيها حلوة… إحنا بنحبها لأنها حتة مننا. بنزعل منها لأننا نفسنا نشوفها أحسن، وبنعاتبها لأننا مستنيين منها كتير، وبنفضل متعلقين بيها مهما حصل… زي طفل مسك في إيد أمه وسط الزحمة، وكل خوفه إنها تسيب إيده. يمكن دي أغرب حاجة في حب الوطن… إنه ممكن يوجعك، يتعبك، ويحيرك، ومع ذلك تفضل رافع راسك باسمه، وتفضل جواك أمنية واحدة: إنه في يوم… يبقى قد الحب الكبير اللي شايلهوله.

мalaĸ||مِــــــ🧜🏻‍♀️ــلك :

بنموت فى مصر

Bodaaaaaaaaaaa🇪🇬 :

انا بحب مصر بس مصر محبتنيش

رُودَينا :

يارب خفف عن المصريين الهم اللي بقينا فيه ده

Layali𓂀🤍 :

تفسيرك حلو اوي اوي هي جزء كبير اوي مننا اتربينا علي حلبا شوفنا الي قبلنا ضحو بنفسهم عشان البلد بس للاسف الأجيال الجديده كلهم مش عاوزين يضحو ولا يستحملو ياريت كنا زيهم ونقدم للبلد كتير عشان تبقي احسن ومنبقاش انانيين في حبها

خاسر :

ازاي أنا رافع راسك وانتي بتحني في راسي ازاي

¿ :

بحبها كتاريخ و وطن و ريحه و ذكريات بكرها كحكم علي الانسان و تقاليد ملهاش معني

shry_oon :

بحب مصر وبعشق ترابها يارب مصر تفضل مهد الحضارة ليوم الدين (( ادخلوا مِصرَإن شاء اللهُآمنين )) ❤️❤️❤️❤️❤️❤️

OSTORA😍☝🏼 :

طيب نحاول نغير ي جماعه

حَفْصَه :

Mostafa Nady :

أنا بموت ف مصر أوي يمصري

Dr: ASHRAF🦷🥼 :

مَارِيَا 🦋 :

🤎🤎🤎🤎🤎

ＹＯＵＮＥＳ🇪🇬 :

بسبب كرتونه زيت وي 200 جنيه اتركبنا 15 سنه قدام