ချမ်းသာချင်ရင် ဒီတစ်ခုတော့ မရှက်နဲ့။ မင်းက ငွေလိုချင်တယ်။ အနာဂတ်မှာ ပိုကောင်းတဲ့ဘဝကို ရချင်တယ်။ တစ်နေ့မှာ ကိုယ့်မိသားစုကို စိတ်အေးလက်အေး ထားပေးနိုင်ချင်တယ်။ ဒါပေမယ့် အဲဒီဘဝကို ရဖို့အတွက် မင်းလုပ်ရမယ့်အရာတစ်ခုကိုတော့ ရှက်လို့ ဆိုပြီး နောက်ဆုတ်နေမိရင် ဘယ်လိုလုပ်မလဲ? မသိတာကို မေးဖို့ မရှက်နဲ့။ တစ်ခုခုမတတ်သေးရင် တတ်တဲ့သူကို မေး။ နားလည်တဲ့သူကိုမေး လူတိုင်းဆီက သင်ယူလေ့လာဖို့မရှက်နဲ့။ အလုပ်အကြောင်း မသိရင် မေး။ Skill တစ်ခုမတတ်ရင် သင်ယူ။ ကိုယ်မသိတာကို ဖုံးကွယ်ပြီး သိသလိုနေခြင်းက မင်းကို ပိုတော်လာစေတာ မဟုတ်ဘူး။ တကယ်တိုးတက်တဲ့သူတွေက ငါဒါကိုမသိဘူး လို့ ပြောရမှာ မကြောက်ကြဘူး။ နောက်တစ်ခုက ကိုယ်စနိုင်တဲ့နေရာကနေ စဖို့ မရှက်နဲ့။ ဒီနေ့ မင်းလုပ်နေရတဲ့အလုပ်က သေးနေနိုင်တယ်။ ဝင်ငွေက နည်းနေနိုင်တယ်။ မင်းမှာ အတွေ့အကြုံလည်း မရှိသေးနိုင်ဘူး။ ဒါပေမယ့် အဲဒါက မင်းရဲ့အဆုံးသတ်မဟုတ်ဘူး။ လူတွေမြင်တဲ့ သေးတဲ့အစ ကို မင်းက အနာဂတ်အတွက် အခြေခံ လို့ မြင်တတ်ဖို့လိုတယ်။ တချို့လူတွေက သူများတွေ ဘာထင်မလဲ ဆိုတာကို စိုးရိမ်ရင်း စတင်ဖို့အခွင့်အရေးကို နှစ်တွေကြာအောင် လက်လွှတ်လိုက်ကြတယ်။ တကယ်တော့ သူများတွေက မင်းဘဝကို မင်းကိုယ်စား လာတည်ဆောက်ပေးမှာ မဟုတ်ဘူး။ မင်းဘဝနဲ့မင်းရဲ့အနာဂတ်အတွက် မင်းကိုယ်တိုင်ပဲ ကြိုးစားတည်ဆောက်ရမှာ မင်းရဲ့အိပ်မက်ကိုလည်း သူတို့က မရှင်သန်ပေးနိုင်ဘူး။ မင်းရဲ့ဘဝကိုလည်း သူတို့က မနေထိုင်ပေးနိုင်ဘူး။ ဒါကြောင့် သင်ယူရမှာ မရှက်နဲ့။ အစကနေ ပြန်စရမှာ မရှက်နဲ့။ အလုပ်သေးသေးကနေ တက်လာရမှာ မရှက်နဲ့။ မင်းလိုချင်တဲ့ဘဝအတွက် ကြိုးစားရမှာ မရှက်နဲ့။ ရှက်စိတ်ကြောင့် အခွင့်အရေးကို လွှတ်မပစ်နဲ့။ မင်းရဲ့လက်ရှိအခြေအနေက ဘယ်လောက်ပဲသေးနေပါစေ ဒီနေ့ စတင်လိုက်တဲ့အရာတစ်ခုက နောင်တစ်ချိန်မှာ မင်းဘဝကို ပြောင်းလဲပေးနိုင်တယ်။ ချမ်းသာချင်တာ မမှားဘူး။ ပိုကောင်းတဲ့ဘဝကို လိုချင်တာလည်း မမှားဘူး။ မင်းလိုချင်တဲ့ဘဝအတွက် လုပ်သင့်တာကို သူများမျက်လုံးကြောင့် မရပ်လိုက်နဲ့။ သူများတွေရဲ့ စကားလုံးတွေကြောင့် မရပ်လိုက်ပါနဲ့။ အားလုံးစိတ်၏ချမ်းသာခြင်းကိုယ်၏ကျန်းမာခြင်းနှင့်ပြည့်စုံစွာ နေထိုင်နိုင်ကြပါစေခင်ဗျာ🙏#KoKhaingGyi #crd #လူငယ်📚📖 #မေတ္တာဖြင့်ပြန်လည်မျှဝေနိုင်ပါသည် - @kothargyi2313