وہ اب اپنے نئے محبوب سے بھی پوچھتی ہوگی کبھی سوچا، تجھے کچھ ہو گیا تو میرا کیا ہوگا؟ شاید وہی لہجہ، وہی فکر وہی انداز محبت جو کبھی میری دنیا کا سب سےحسین قصہ تھا اب کسی اور کی دھڑکنوں میں سانس لیتی ہوگی۔ وہی دعائیں وہی بے چینی وہی راتوں کی جاگتی ہوئی ساعتیں اب کسی اور کے نام لکھی جاتی ہوں گی۔ اور میں؟ میں یادوں کے اس ویران شہر میں اپنے ہی قدموں کی چاپ سنتا رہ جاتا ہوں۔ کبھی سوچتا ہوں کیا محبت واقعی ختم ہو جاتی ہے؟ یا صرف اس کا پتہ بدل جاتا ہے؟ جو الفاظ کبھی میری پیشانی چومتے تھے آج شاید کسی اور کی مسکراہٹ میں ڈھل گئے ہوں۔ اگر وہ اب بھی کسی کے لیے اپنی نیندیں قربان کرتی ہے اگر اب بھی کسی کی خاموشی سے گھبرا جاتا ہے تو یقیناً وہی سوال کبھی نہ کبھی اس کے لبوں پر آتا ہوگا کبھی سوچا، تجھے کچھ ہو گیا تو میرا کیا ہوگا؟ فرق صرف اتنا ہے کہ اس سوال کا جواب اب میں نہیں ہوں۔ میں تو ایک پرانا موسم ہوں جو گزر چکا مگر اپنی خوشبو دیواروں پر چھوڑ گیا۔ میں نے بھی اب شکایتوں کو دعا میں بدلنا سیکھ لیا ہے۔ وہ جہاں بھی رہے ، خوش رہے آباد رہے کیونکہ محبت اگر سچی بو تو بددعا نہیں بنتی۔ مگر کبھی کسی خاموش شام میں جب ہوا پرانی یادوں کی دستک دے جب کسی گیت کا ایک مصرع اچانک دل میں اتر جائے جب کسی خوشبو سے ماضی جاگ اٹھے تو شاید وہ ایک لمحے کو رکے آنکھیں بند کرے اور دل ہی دل میں میرا نام لے۔ میں نہیں چاہتا کہ وہ پلٹ کر آئے یا گزرا ہوا وقت دوبارہ لوٹ آئے۔ بس اتنا کافی ہے کہ اسے کبھی احساس ہو کہ کسی نے اسے بے غرض چاہا تھا اپنی دعاؤں میں بسایا تھا اپنے خوابوں کا محور بنایا تھا اور پھر خاموشی سے اس کی خوشیوں کے لیے اپنے دکھوں کو اوڑھ لیا تھا۔ محبت کا اصل انجام ، وصال نہیں بلکہ وہ دعا ہے جو جدائی کے بعد بھی دل سے نکلتی رہے۔ اور میری ہر دعا میں آج بھی ایک نام شامل ہے۔ . . #urdupoetry #urdudeeplinespoetry #urdushyari #brokenpoetry #fypシ゚viral🖤tiktok - @brokensoule.1