اگر کبھی تمہیں وہ نہ ملے جس سے تمہیں محبت ہو، تو خود کو یہ مت سمجھانا کہ تمہاری محبت کم تھی یا تمہاری قسمت میں محبت ہی نہیں تھی۔ کبھی کبھی انسان کی سب سے سچی چاہت بھی اُس کے نصیب کا حصہ نہیں بنتی۔ ایسے وقت میں دعا کرنا کہ اللہ تمہیں اُس شخص سے ملا دے جس کے دل میں تمہاری قدر ہو، جس کی محبت میں تمہیں خود کو منوانا نہ پڑے، جس کے ساتھ رہ کر تمہیں ہر روز یہ خوف نہ رہے کہ کہیں وہ تمہیں چھوڑ نہ دے۔ کیونکہ کسی کو چاہنا خوبصورت احساس ہے، مگر کسی کا تمہیں دل سے چاہنا اُس سے بھی زیادہ پُرسکون ہوتا ہے۔ یک طرفہ محبت میں انسان اکثر خود کو ثابت کرتا رہتا ہے۔ کبھی اپنے خلوص سے، کبھی اپنی وفا سے، کبھی اپنی خاموشی سے… اور پھر بھی دل میں ایک سوال رہتا ہے کہ کیا میں اُس کے لیے اتنی ہی اہم ہوں جتنا وہ میرے لیے ہے؟ لیکن جب کوئی آپ کو چاہتا ہے تو محبت سوال نہیں رہتی، احساس بن جاتی ہے۔ وہاں آپ کو ہر وقت اپنی جگہ کے لیے لڑنا نہیں پڑتا۔ آپ کی موجودگی محسوس کی جاتی ہے، آپ کی خاموشی سمجھی جاتی ہے، آپ کی عزت کی جاتی ہے اور آپ کے دل کو بےیقینی میں نہیں رکھا جاتا۔ اس لیے اگر کبھی زندگی تمہیں اُس شخص سے جدا کر دے جسے تم نے دل سے چاہا تھا، تو اسے اپنی محبت کی شکست مت سمجھنا۔ شاید اللہ تمہیں اُس محبت سے بچا رہا ہو جس میں تم ساری عمر خود کو منواتے رہتے… اور تمہیں اُس محبت کی طرف لے جا رہا ہو جہاں تمہیں مانگا جائے، سمجھا جائے، سنبھالا جائے اور دل سے اپنایا جائے۔ کیونکہ محبت صرف یہ نہیں کہ ہم کسی کے ہو جائیں… کبھی کبھی محبت کا سب سے خوبصورت نصیب یہ بھی ہوتا ہے کہ کوئی ہمیں پورے دل سے اپنا بنانا چاہے۔ 🤍🥀 #محبت #چاہت #نصیب #رشتے #دل_کی_بات - @wordsbykanwal