#🚨 सूचना! सूचना!! सूचना!!! 🚨 सम्पूर्ण आमाबुबा, दाजुभाइ, दिदीबहिनी तथा आम नागरिकहरूमा हार्दिक अनुरोध। यही मिति २०८३ साल भदौ ८ गतेदेखि १२ गतेसम्म देशका विभिन्न स्थानमा भारी वर्षा तथा प्रतिकूल मौसम हुन सक्ने भनी मौसम पूर्वानुमान महाशाखाबाट जारी गरिएको सूचनालाई मध्यनजर गर्दै यो सार्वजनिक सूचना जारी गरिएको छ। सुनकोशी तथा इन्द्रावती नदी एवं खोलाको आसपास बसोबास गर्ने सम्पूर्ण नागरिकहरूमा नदी तथा खोलाको बहाव बढ्न सक्ने सम्भावना रहेकाले विशेष सतर्कता अपनाउन अनुरोध गर्दछु। विशेषगरी: नदी तथा खोलामा माछा मार्ने, पौडी खेल्ने तथा नुहाउने कार्य नगर्नुहोस्। नदी तथा खोलाको किनारमा फोटो तथा भिडियो खिच्न नजानुहोस्। अनावश्यक रूपमा नदी तथा खोलाको किनारमा आवतजावत तथा भीडभाड नगर्नुहोस्। नदीको बहाव बढेको अवस्थामा जोखिमपूर्ण स्थानमा प्रवेश नगर्नुहोस्। बाढी, पहिरो तथा डुबानको सम्भावित जोखिमलाई ध्यानमा राखी आफू र आफ्नो परिवारको सुरक्षालाई पहिलो प्राथमिकता दिनुहोस्। साथै, वर्षायाममा यात्रा गर्दा बाढी, पहिरो, सडक अवरोध तथा अन्य प्राकृतिक विपद्बाट हुन सक्ने जोखिमलाई मध्यनजर गर्दै आवश्यक सावधानी अपनाएर मात्र यात्रा गर्न सम्पूर्णमा हार्दिक अनुरोध गर्दछु। सतर्क रहौँ, सुरक्षित रहौँ। आफू पनि बचौँ, अरूलाई पनि बचाऔँ। 🙏 — कान्छा राम तामाङ दोलालघाट, काभ्रेपलाञ्चोक - @babasuraj110