@ii_6ro: ماذا لو؟_》 يجي يوم وألكه الشخص اللي دوم أتمنّاه؟واحد مو بس يحبني، لا، يفهمني من دون ما أشرح، ويعرف شنو بداخلي حتى من أسكت. واحد إذا شافني متضايقة، ما يخليني أطلب اهتمامه، يجي من نفسه ويكلي: «شنو بيچ؟ آني يمچ».ماذا لو يكون حنون وياي، بس مو حچي وبس؟ أفعاله تحچي عنه. يخاف على زعلي، يحفظ تفاصيلّي الصغيرة، يعرف شنو أحب وشنو يضوجني، ويظل ثابت حتى بوقت عصبيتي. ما يخليني أشك بمكانتي عنده، ولا يخليني أركض ورا اهتمامه.ماذا لو يكون الشخص اللي من أگعد وياه أحس الدنيا هديت؟ أضحك وياه من گلبي، وأحچي عن كلشي بدون خوف من الحكم، وأعرف مهما صار بيناتنا، الاحترام ما ينقص.وأكثر شي أتمناه… واحد يختارني بوضوح. مو يوم يحبني ويوم يتغير، ولا يخليني أتساءل «بعده يحبني لو لا؟». أريده شخص إذا حبني، يحبني بصدق، وإذاوعدني، يفي، وإذا شافني تعبانة، يكون سند إليّ مو حمل جديد .ماذا لو كل هالأشياء اللي أتمنّاها مو خيال؟ماذا لو أكو شخص بالدنيا، لحد هسه ما أعرفه، بس يوم ألتقيه أفهم ليش كل اللي قبله ما كان نصيبي؟ #مالي_خلق_احط_هاشتاقات #yosoycreador #fyp #viral #هواجيس

𝒥𝓊𝓁𝓎

Open In TikTok:

Region: IQ

Wednesday 23 September 2026 09:19:36 GMT