@litao4040: 🔴 النهاردة الفجر صوت طلع من الحرم بس المرة دي مكانش أذان عادي كان وداع إنا لله وإنا إليه راجعون الشيخ إبراهيم المدني مؤذن الحرم المكي أذن لصلاة الفجر وبعد ما خلص… توفاه الله وآخر حاجة صوته قالها في الدنيا كانت لا إله إلا الله راجل عنده ٥١ سنة من المدينة المنورة سابها وراح مكة وعاش هناك لحد ما بقى واحد من ٢٤ مؤذن أساسي في الحرم المكي وهو كمان صاحب تكبيرات العيد اللي كلنا سمعناها واتأثرنا بيها بس الحكاية مش في الصوت بس الحكاية في الراجل نفسه تخيل واحد صوته بيوصل لكل الناس دي ومعروف في كل العالم الإسلامي وفي نفس الوقت بيمشي في الشارع ياخد المارة معاه في عربيته للحرم ومحدش يعرفه من شدة تواضعه وأول مرة أذن في مكة وقف وبكى وقال “من أنا حتى يرتفع صوتي في هذا المكان الطاهر” راجل شايف نفسه ميحقش يكون في المكان ده وربنا اختاره يفضل فيه لحد آخر نفس الشيخ إبراهيم كان تعبان عنده سكر ودخل العناية المركزة من ٣ أسابيع الناس افتكرت إنه مش هيرجع تاني بس ربنا كان أراد تكريمه تكريم أخير رجع الحرم أذن لصلاة الفجر وبعدها مات مات وهو لسه مخلص آذان صوته لسه كان في صدا بالمكان مكانش بيموت في مستشفى ولا في بيته مات وهو بيقول للدنيا لا إله إلا الله وبيقول لله لبيك ربنا يرحمك يا شيخ إبراهيم ويجعل آخر آذان لك في الدنيا شفيع ليك في الآخرة ويسكنك فسيح جناته ويلهم أهلك وكل محبيك الصبر والسلوان إنا لله وإنا إليه راجعون 💔 @إشارة

244

2026-09-23 09:23:06

To see more videos from user @litao4040, please go to the Tikwm homepage.