@wadkhalifaa: في أغاني بتسمعها بي أضانك… وفي أغاني بتسمعها بي قلبك. ❤️🇸🇩 «جانا الخبر شايلو النسيم… في الليل يوشوش في الخمائل…» ياخ الكلام ده براهو حكاية! أبو آمنة حامد كتب إحساس سوداني أصيل… كتب الشوق للبلد، وفرحة الرجعة، وحنين السنين البتمر وما بتقدر تغيّر المحبة. ومحمد الأمين؟ يا سلام ياخ… لحن الكلام لحدي ما بقى إحساس ماشي في الدم. لكن صولو العود… هنا الحكاية براها! 🎶 العود في إيد محمد الأمين ما كان مجرد آلة… كان كأنو زول قاعد جنبك، بيحكي ليك عن الشوق والبلد والناس من غير ولا كلمة. كل نغمة عندها معنى… وكل سكتة فيها كلام… وكل طلعة في العود بتجيب معاها ذكرى. «إنت ما نسمة في الهجير… إنت ما راحة ضمير… إنت ما بهجة مشاعر… إنت ما رحلة عبير…» دي ما أغنية ساي… دي ريحة السودان، وحنين السودان، ووجدان السودان. رحم الله الموسيقار العظيم محمد الأمين، ورحم الله الشاعر الفذ أبو آمنة حامد. #محمد_الأمين #أبو_آمنة_حامد #جانا_الخبر #السودان #العود

2422

2026-09-24 22:46:23

2026-09-23 11:37:09

To see more videos from user @wadkhalifaa, please go to the Tikwm homepage.