@nagwanhasannn: لو بتعاني من القولون العصبي، فنظام الـLow FODMAP ممكن يساعدك تقلل أعراض زي الانتفاخ والغازات والمغص، لأنه بيعتمد على تقليل أنواع معينة من الكربوهيدرات اللي بتتخمر بسهولة في الأمعاء، وعلشان كده حاول تخلي أكلك بسيط ومن البيت، واستبدل العيش الأبيض والمخبوزات والمعجنات ببدائل مناسبة زي دقيق الرز، دقيق الدرة، والبطاطس، وكمان ممكن تستبدل المكرونة بالأرز بأنواعه المناسبة زي الأرز الأبيض، والأرز البسمتي، والأرز البني حسب الكمية ومدى تحمّل جسمك، ولو اللبن العادي بيسبب لك انتفاخ أو اضطرابات في الهضم ممكن تجرب بدائل قليلة الـFODMAP زي حليب اللوز أو حليب الصويا المصنوع من بروتين الصويا، ويفضل تبعد عن الأكل المقلي والوجبات السريعة والمشروبات الغازية ومشروبات الطاقة، وتعتمد أكتر على الأكل البيتي زي الخضار المطبوخ أو السوتيه، والبطاطس المسلوقة أو المشوية، والفراخ واللحمة والسمك المشوي، والبيض لو مفيش حساسية منه، ولو السلطة النيّة بتسبب لك انتفاخ ممكن تجرب الخضروات المطهية أو المشوية بدلًا منها، وبالنسبة للفواكه ممكن تختار الأنواع قليلة الـFODMAP زي الفراولة والكيوي والبرتقال وبعض أنواع التوت والموز غير الناضج، وتقلل الفواكه الأعلى في الـFODMAP زي البطيخ والخوخ والكمثرى والتين والمانجو، وكمان حاول تقلل اللحوم المصنعة زي اللانشون والسجق والسلامي وتعتمد على مصادر البروتين الطبيعية، ومتنساش إن التحكم في القولون مش أكل بس؛ النوم الكافي، وتقليل التوتر، وتجنب السهر، والحركة والاسترخاء كلهم عوامل مهمة جدًا، والأهم إن نظام الـLow FODMAP مش معناه إنك تمنع الأكلات دي للأبد، لكنه غالبًا بيكون مرحلة مؤقتة بنرجع بعدها الأطعمة تدريجيًا علشان نحدد إيه اللي جسمك بيتحمله وإيه اللي بيزود أعراض القولون عندك #القولون_العصبي #القولون #جرثومة_المعدة #sibo #fyp

Dr.Nagwan Hassan

Open In TikTok:

Region: EG

Wednesday 23 September 2026 11:10:08 GMT