@za33g: رفع راسه من الضحك وانتجـه ع التخـم برهاوه كتله يااا تحجون صدك فوكاها تحشـ**ـشون ؟ اباوع الهم ولا يمهم واني عيني ع الابره بخوف واكول خطيه ومحترك گلبي گال لاا يابه شنحشش وانت علي ع كيفك وياي باوعتله بطرف عيني وكتله تدري شنوو ابو زايد بيك خوووش ميل راسـه وگال افـاا ؟ بهل اثناء طبت شمس مبتسمه اول ما شافتنه اختفت ابتسامتهه وكالت عزززه شصاير ؟ هز ايده ملهـم وباوع لعلي وگال يلا رد جنت بوحده صرت بأثنين والمايرضه بجزه يرضه بجزه وخروف اذا سامع المثل علي خزره ورجع باوع لشمس بأبتسامهه وگلها تعالي بابـه ماعليج بي طب احمد وراهاا وكاال علي جبتهاا لشمس بعده ممكمل كلامه صفن علينه وع ملهـم گال هاي شكو ؟ صايره عركه واني مادري ؟ كتله يي يمعود فاتتك والافندي كسر جامه السياره بيده باوع لشمس بصفنه ورجع باوع لملهـم بسرعه اجه يمه وگله تريد اخابرلك ورده تجي تشوف الجرح لان هيه ممرضه وتفهم ! ملهـم راساا رفع راسه يباوع لأحمدد بطرف عينـه وگلـه لا يمعود علي راح يخيط الجرح وفززنه من صاح وگال علييي وين تعرف انته وتخيطط ؟ يحجي ويغمز لعلي وعلي گله اانجب واكعد جان احمد يكله رحمه لربك لااا تخربهااا يحجي ويأشر بحواجبه ويرجع طبيعي حتئ ميشوفه ملهـم جاي احاول افهم شبي وشموسه كاتمه ابتسامتهه گوه عرفت وراهم سالفه فـ علي صاح بي وگلـه اكعددد يمعود دمه خلص وانت ماعندك سالفه فـ ملهـم كله خيط اتاخرت وراي شغل كتله هااا وووين ؟ يا شغل انووب ؟غير ترتاح تاكل شي حتئ روحك ترجع ترا دمك راح ! ميل راسه وگال لتخافين ردت روحي يحجي ويباوع بعيوني✨ كتله لااا ميصير هسه اگوم اجيبلك اكل يلا علي فدوه خيطه غمض عيونه بعصبيه واتقرب يم اذني وگال شنييي سالفه الفدوووه ؟ وباوع بعيوني وحواجبه راح تصعدد لمكه ؟ كتله شنوو شبيها الفدوه ! ترا بعفويه هوو كلامي هيجج شسوي يعني فـ اخذ نفس طوويل ورجع زفررره وعيونه بكصته وشموسه كعدت بصفي فـ حجيت الهاا الصـار وبدينه نباوع لعلي وهوو يخيط بيد ملهـم لزم الابره ومدري ليش عيوني ركزت عليها واحس گلبي گام يدكك حييييل بشكل مفررط اباوع لملهـم منتجي ولا مهتـم كتله علي بدون بنج شنووو ؟ گال هو خياطين مو هواي يتحملهـن ويسكـت كتله صخااام بعيني شيتحمل ! وشمس كلتله عليي شلون بدون بنج حتلو خياطين جان ملهـم يگله خيطط خيط عووفهـن ! گلبي وجعني من شفته طبب الابره باللحم ورفعهـاا ويسحب الخيط ورجع طببهه وسحبهـاا اباوع وخليت ايدي ع گلبي المنضرر مداتحمله والدم وانوب اللحم مفتوح مدري ليش احس دخـت غمضت عيوني حييل ورجعت فتحتهن اريد الغوااش يرووح ورجعت اباوع لعلي من رجع يخيط الخياط الثاني هنااا احس الدنياا كامت تدور بيـه غمضت عيوني حييل اشجع بنفسي لااا اوكع زحمه منهـم فـ اخذت نفس بهدوء وشمس انتبهت عليـه وعيونهاا تباوعلي بقلق وخـوف .... شمـس : انصدمت من طبيت وشفت ميس كاعده بصف ملهـم وعلي كاعد بصفه ولازم ايده اباوع كلنس بصفهم متروس دم بسرعه كعدت هستوني داحجي احمد صاح وكال شكوو وشصايررر مبين هم ما فاهم شي فـ ميس حجت الوضع لـو احس گلبي راح خطيه ايده مجروحه واتفاجئت بميس تباوعله بخوف وقلق والتوترر واضح عليهـااا فـ حجتلي الصاير وفهمت وعلي يريد يخيط الجرح واحنه ووووين واحمد حاير بسؤالفه يريد ورده فـ بده علي يخيط بالجرح ما باوعت رغم اني صحه 🤦‍♀️ بس ماتحمل لان ملهـم احترمه واعزه وانقهرت عليـه فـ عيني صارت ع ميس تباوع للجرح وتغمض عيونهه وترجع تباوع لملهـم بخوف والقلق واضح بوجهه خايفه عليه وصراحه ابدد ماا اتوقعت هيج حالتهه علموده وتتگلب عليـه فـ علي ديخيط واباوعلهه وزاد خوفي من شفت وجهه صار اصفرر وانخطف لونهه وبلعت ريگي من اتذكرت هيه تخاف من الابرررر وو .....

آلِــ عِــنِـــود 🎀

Open In TikTok:

Region: IQ

Wednesday 23 September 2026 13:43:05 GMT