@deqiqsoz: Bir Allah var, yaxşılıqdır gözümdə, O var olub hər bir kəsin özündə, Gəz Allahı sən yaxşılıq sözündə, Kasıbların pənahıdır yaxşılıq, Allahların Allahıdır yaxşılıq. Yaxşı olma yaxşılıqdan ötəri, Yaxşılıq et, qoy olmasın xəbəri, Ək, dünyada birə yüzdür səməri, Qızıl taxıl dənəsidir yaxşılıq, Kimə versən dönəsidir yaxşılıq. Ay acı dil, şirin söz qoy dilinə, Əl uzatdım, əlini ver əlimə, Sən də əl tut öz xalqına, elinə, Əl atmaq yox, əl tutmaqdır yaxşılıq, Öz-özünü unutmaqdır yaxşılıq. Yaxşılığa qoyulmayıb tərəzi, Yaxşılıq et, sil qəlbindən qərəzi, Böyüklükdə yoxdur onun əvəzi, Arşın ilə ölçülməyib yaxşılıq, Pislik ilə kiçilməyib yaxşılıq. Pislik etmə, heç vaxt üzün ağ olmaz, Pislik gəzən yaxşı olmaz, sağ olmaz, Eşələrsən, dərə olar, dağ olmaz, Dərələri nurla doldur, yaxşılıq, Yaxşı olmaq çətin yoldur, yaxşılıq. Yaxşılıqla yola gətir hər pisi, Qızıl elə qara daşı, göy misi, Al tənbəli, ev yıxanı, hərisi, Bu dünyaya layiq elə, yaxşılıq, Layiqləri ayıq elə, yaxşılıq. Mən xalqımdan çox yaxşılıq görmüşəm, Öz payımdan hamıya pay vermişəm, Yaxşılıqdan qızıl saray hörmüşəm, Qal baxtımın sarayında, yaxşılıq, O tayında, bu tayında, yaxşılıq. Söhrab Tahir – Yaxşılıq

Murad Dadaşzadə

Open In TikTok:

Region: AZ

Wednesday 23 September 2026 15:57:08 GMT