انسان ساری عمر اپنے نفس کے پیچھے بھاگتا رہتا ہے۔ نفس کہتا ہے: یہ چیز حاصل کرلو، یہ خواہش پوری کرلو، لوگوں سے تعریف لے لو، دنیا میں اپنا نام بنا لو۔ انسان ان خواہشات کو پورا کرنے میں لگا رہتا ہے، مگر خواہش پوری ہونے کے بعد بھی دل خالی رہتا ہے۔ ایک خواہش ختم ہوتی ہے تو دوسری پیدا ہو جاتی ہے۔ اصل میں نفس تمہیں دنیا کی طرف دوڑاتا ہے، اور اللہ تمہیں اپنی طرف بلاتا ہے۔ کبھی دل کہتا ہے: "بس دنیا مل جائے تو سکون مل جائے گا۔" لیکن دنیا ملنے کے بعد بھی سکون نہیں آتا۔ پھر انسان کو احساس ہوتا ہے کہ جس سکون کو وہ لوگوں، دولت، محبت اور خواہشات میں ڈھونڈ رہا تھا، وہ تو اللہ کے ذکر اور قرب میں تھا۔ اسی لیے اپنے دل سے پوچھو: میں اپنی خواہش کے پیچھے دوڑ رہا ہوں یا اپنے رب کے پیچھے؟ جب گناہ سامنے ہو اور تم صرف اللہ کی خاطر رک جاؤ، جب غصہ آئے اور اللہ کی خاطر معاف کر دو، جب رات کو سب سو رہے ہوں اور تم اٹھ کر اللہ کے سامنے بیٹھ جاؤ، جب دل دنیا مانگے اور تم کہو "یا اللہ! مجھے دنیا سے زیادہ اپنا قرب عطا فرما"— تو سمجھو تمہارا دل آہستہ آہستہ نفس سے نکل کر اللہ کی طرف دوڑ رہا ہے۔ اور ایک دن ایسا بھی آتا ہے کہ بندہ دنیا کی بہت سی چیزیں پا کر بھی خوش نہیں ہوتا، لیکن سجدے میں سر رکھ کر آنکھوں سے آنسو نکل جائیں تو دل کہتا ہے: بس یہی میرا سکون ہے۔ اللہ کی محبت یہ نہیں کہ دنیا چھوڑ دو؛ اللہ کی محبت یہ ہے کہ دنیا ہاتھ میں رہے، دل میں نہ رہے۔ دل میں صرف اللہ کی طلب ہو۔ ❤️‍🩹 #shahbazmx #unfreezemyacount #monetizedviews #trending #explorepage✨ - @shahbaz_editzzz09