@leen.aljord: إذا بدك طفلك يتعلم يتعامل مع إحباطه ويعبّر عنه بدون صراخ وانفجار، فأول شي إنتِ بحاجة تتقبلي وجود مشاعره القوية. وتقبّل المشاعر ما يعني تقبّل كل السلوكيات. من حقه يزعل ويبكي وينحبط، بس مو من حقه يضرب أو يؤذي أو يكسر. وثاني شي، ما تستعجلي تتخلصي من شعوره بمحاولة إرضائه بأي طريقة. وثالث شي، ركزي على تعليمه المهارات اللي ناقصته، لكن هالمهارات ما بتنبنى بلحظة الانفجار. لما المشاعر تكون مسيطرة، قدرة الطفل على التفكير والتحليل وإيجاد الحلول بتكون محدودة جدًا. لهيك إذا حاولتي بهاللحظة تشرحي له أو تعطيه حلول حتى يوقف بكاه، غالبًا ما رح يتجاوب معك، وممكن تزيدي من انفجاره. مو لأنه عنيد، وإنما لأنه بحاجة أول شي يهدأ ويحس إنه مفهوم ومسموع. بعد ما يهدأ، هون بيبدأ دورنا بالتعليم: منعلّمه يقول: «أنا انزعجت.» «أنا ما هيك كنت بدي ياها.» «أنا كنت متوقع شي تاني.» وبعدها منساعده يفكر بالحلول المناسبة: شو رأيك نحط جواتها الناقص؟ شو ممكن نعمل؟ وهالمهارة ما بتنبنى من مرة وحدة، بتنبنى بالتكرار، وبقبول المشاعر، وبالتدريب. #تربية #امهات_تيك_توك #اطفال_التيك_توك #الحزم #احتواء