يوم تقدم خطوتك الأولى للكيله الحربيه ، ما بتستعد بس لحمل السلاح، لكن بتتعلم كيف تقاتل في معركة ثانية أصعب؛ معركة الانتظار. رحلة صمود الطالب الحربي بتبدأ من وقفة أبواب المعاينات الممكن تمتد لسنة ونصف أو لحدي سنة وعشرة أشهر من الترقب. الرحلة دي ما بتقيس لياقتك براها، بل بتختبر صبرك وطول بالك، وأنت واقف ثابت وكل خطط حياتك واقفة معلقة في انتظار إشارة القبول. في الشهور الطويلة المليانة معاينات؛ من كشوفات طبية، واختبارات نفسية، وبدنية، ومقابلات بتتكرر، الواحد بيكون قاعد في نص قلق وضغوط. تفاصيل بسيطة بتتحول لاختبار إرادة يومي: كيف تحافظ على لياقتك وجاهزيتك وأنت ما عارف متى يجيك النداء؟ كيف تظبط أمورك وأنت معلق بين شغلك أو قرايتك وبين حلم البزة العسكرية؟ هنا بالذات بتتعلم كيف تبطل لوم؛ تبطل تلوم الظروف، ولا الزمن، ولا الناس. بتتعلم كيف ترابط في مكانك بثبات، وكيف تنتظر وروحك معلقة بالهدف من غير ما تفقد بوصلتك. الواقع البنعيشه وبنفهمه كويس، إنو فترة المعاينة دي ما مجرد روتين، دي "الغربلة الأولى" والامتحان الحقيقي للصلابة النفسية. دي المدرسة البتعلمك إنو الصبر سلاح، وإنو الانضباط بيبدأ من التزامك بمواعيدك وأنت لسه بالمدني وقبل ما تقف في الطابور بالزي الرسمي. الزول البعدّي جحيم الانتظار ده، ويتحمل طابور المعاينات من غير ما يفقد الشغف أو اليأس يكسر عزيمته، ما بتدخل الكلية العسكرية كطالب عادي؛ بل بتدخلها وأنت متزود بروح الجندي الصح، وتكون جاهز تبلع قسوة التدريب وصعاب الميدان، لأنك أصلاً.. اتدربت من البداية كيف تكون صامد. وعلى سيرة الصمود والتحوط، ففعلاً وسائل التواصل والتطور الحاصل فرض واقع جديد. الواحد لازم يعمل ألف حساب للأعداء الخفيين والمتربصين، وما كل شيء ممكن ينشره الواحد أو يستفسر عنه في المجموعات الخاصة أو المساحات العامة. بشوف بعض المنشورات والحاجات البتتنشر ما مكانها العام عشان ما تكون أداة علاج عكسي أو كشف للتحركات. عشان كده، الناس لازم توعى وتَعقُل، وتعرف إنو كتمان الأثر والسرية جزء أصيل من شخصية العسكري الواعي. #القوات_المسلحة_السودانية🦅🇸🇩🦅 القوات المسلحة السودانية #fyp #yourself #جخو،الشغل،دا،يا،عالم،➕_❤_📝 وزارة الدفاع السودانية - الرسمية - @user591609975713