@babachanja01: Pichani ni Kanali Abdulrahman Omari Kinana na Luteni Kanali Jakaya Mrisho Kikwete Mwaka 1992. HISTORIA ADHIMU; Mhe. Dkt. Jakaya Mrisho Kikwete ndiye Rais pekee katika historia ya Tanzania aliyewahi kulitumikia Jeshi la Wananchi wa Tanzania (JWTZ) kama Mwanajeshi kamili na mwenye namba ya utumishi. Marais wengine -Mwalimu Nyerere, Mzee Mwinyi, Benjamin Mkapa, Dkt. Magufuli na Rais Samia - hawakuwahi kuwa wanajeshi wa JWTZ kwa utumishi wa kudumu/waajiriwa. Historia yake ya kijeshi ilikuwa hivi: Mwaka aliojiunga na Jeshi: Mara baada ya kumaliza Chuo Kikuu cha Dar es Salaam, alijiunga na mafunzo ya kijeshi. Alianza mafunzo rasmi ya Uofisa katika Chuo cha Kijeshi cha Tanzania (Tanzania Military Academy - TMA) Monduli, Arusha, na kuhitimu kuwa Ofisa kamili mnamo mwaka 1976. Cheo chake cha mwisho jeshini:Akiwa jeshini alipanda vyeo kwa nidhamu na uwezo mkubwa. Alistaafu akiwa na cheo cha juu cha Luteni Kanali (Lieutenant Colonel), cheo ambacho pichani unamuona akiwa amekivaa pamoja na rafiki yake Abdulrahman Kinana. Tarehe na mwaka wa kuondoka jeshini: Alistaafu rasmi utumishi wa jeshi Julai 1, 1992, kama picha inavyoonyesha Oktoba 1992 ikiwa ni siku ya kuhitimisha taratibu zake. Sababu ya kustaafu ilikuwa kujiandaa kuingia rasmi kwenye siasa za vyama vingi, ambavyo vilianza rasmi nchini Julai 1, 1992. Hii ndiyo siri ya uongozi wake. Nidhamu ya JWTZ, upendo wa kusoma vitabu, unyenyekevu na uwezo wa kusikiliza ndizo zilimfanya awe kiongozi wa busara. Na baada ya Ikulu, nidhamu ile ile ndiyo inayomfanya leo kuwa mkulima wa mfano wa mahindi, nanasi, zabibu na mifugo - anafanya kazi kwa vitendo, si maneno ya majukwaani.

Baba_Chanja

Open In TikTok:

Region: TZ

Wednesday 23 September 2026 20:35:18 GMT