@musabko4: أنا ياني جنبك… توب غُطاك، ما بس أغطيك من برد الأيام، أنا البكون ليك ستر، لمن الدنيا تكشف وجعك، والبكون ليك ضهر، لمن التعب يخليك ما قادر تقيف. إن جاك الفرح، أكون أول زول يفرح بيك، وإن جاك الحزن، ما بسألك مالك… بكون جنبك لحدي ما الحزن ذاتو يلقى روحو غريب ويمشي. أنا غير معاك… أنا وين أكون؟ ما عندي مكان بعيد منك، ولا عندي طريق ما آخره إنت. إنت ما مجرد زول ماشي معاي العمر، إنت الزول البخلي العمر ذاتو عندو معنى. ولو يوم الدنيا خيّرتني بين راحتي وبين وقوفي معاك، ما ح أعدّ الخسارة… لأنو الزول البختارو قلبي، تعبو عندي ما تعب… ووقفتو معاي ما فضل. أنا ياني جنبك… في الساهلة والمرّة، في الضحكة والدمعة، في أول الطريق وآخره… لأنو لو ما كنت معاك، أنا ذاتي ما عارف أكون وين. 💛🎶

Musabko

Open In TikTok:

Region: SD

Wednesday 23 September 2026 22:02:44 GMT