വിവാഹം കഴിഞ്ഞ് മണിയറയിൽ എത്തിയപ്പോഴാണ് താൻ പ്രെഗ്നന്റ് ആണെന്നുള്ള ആ സത്യം അറിയുന്നത്. രണ്ടാം വിവാഹം ആയിരുന്നു ഇന്ന്. അതും വീട്ടുകാരുടെ നിർബന്ധം കാരണം. ആദ്യ വിവാഹത്തിൽ തനിക്ക് ഒരിക്കലും കുഞ്ഞുങ്ങൾ ഉണ്ടാവില്ല എന്ന് പറഞ്ഞാണ് ഭർത്താവും വീട്ടുകാരും എന്നെ ഒഴിവാക്കിയത്. അതുകൊണ്ട് തന്നെ ഇനി ഒരു വിവാഹം അത് മനസ്സിനൊരു പേടി തന്നെ ആയിരുന്നു. വിവാഹലോചന വന്നപ്പോൾ തന്നെ തനിക്ക് ഒരിക്കലും കുട്ടികൾ ഉണ്ടാകില്ല എന്ന് അദ്ദേഹത്തോട് പറഞ്ഞിരുന്നു. പക്ഷെ നല്ല മനസിന് ഉടമയായ അദ്ദേഹം അതൊരു കുറവായി കാണാതെ വിവാഹത്തിന് സമ്മതിച്ചു. ഇന്ന് ഈ മണിയറയിൽ ഇരിക്കുമ്പോൾ തന്റെ ഭാര്യ ഗർഭിണി ആണെന്ന് അറിയുമ്പോൾ അദ്ദേഹം എങ്ങനെ പ്രതികരിക്കുമെന്ന് ആലോചിക്കുമ്പോൾ തന്നെ പേടിതോന്നുന്നു. പക്ഷെ അറിയിച്ചേ തീരൂ... അദ്ദേഹം ഒരിക്കലും ചതിക്കപ്പെടാൻ പാടില്ല. പക്ഷെ താൻ ഇതുവരെ അനുഭവിച്ച കുത്തുവാക്കുകൾ മുഴുവനും ആർക്കോ വേണ്ടി ആയിരുന്നല്ലോ. മാനസികമായി ആ വീട്ടിൽ ഞാൻ അനുഭവിച്ച വേദനകൾ കരഞ്ഞു തീർത്ത രാത്രികൾ.... ഒത്തിരി ആഗ്രഹിച്ചിരുന്നു ഒരു കുഞ്ഞിന് വേണ്ടി പക്ഷെ ഇന്ന് ഞാൻ മറ്റൊരാളുടെ ഭാര്യയാണ്. അദ്ദേഹത്തിന് ഇത് അംഗീകരിക്കാൻ സാധിക്കുമോ...? ക്ഷണിച്ചുവരുത്തിയ അതിഥികളെ സൽക്കരിക്കുന്ന തിരക്കിലായിരുന്നു അദ്ദേഹം. ആ മുഖത്ത് സന്തോഷം നിറഞ്ഞു നിൽക്കുന്നുണ്ട്. അത് മണിക്കൂറുകൾക്കുള്ളിൽ തർന്നുവീഴും. പക്ഷെ അദ്ദേഹം ഇത് അറിയണം... അറിഞ്ഞേ മതിയാകൂ. റൂമിലെത്തിയതും എന്നോട് ചോദിച്ചു... എന്തുപ്പറ്റിയെടോ തന്റെ മുഖത്ത് ആകെ ഒരു വിഷമം. എന്തുണ്ടെങ്കിലും എന്നോട് പറയാട്ടോ. അത് പിന്നെ ഞാൻ ഗർഭിണിയാണ്. അദ്ദേഹത്തിന്റെ മുഖത്തെ ചിരി മാഞ്ഞു. എന്നെ ശപിക്കരുത് അറിഞ്ഞുകൊണ്ട് അല്ലെങ്കിലും നിങ്ങളോട് ഒരു വലിയ തെറ്റ് ഞാൻ ചെയ്തു. ഒരു കുഞ്ഞിനുവേണ്ടി ഒരുപാട് ആഗ്രഹിച്ചതാ ഞാൻ... പക്ഷെ ഇപ്പൊ... ¡ ഞാൻ എങ്ങോട്ടെങ്കിലും പൊക്കോളാം പക്ഷെ ഈ കുഞ്ഞിനെ എനിക്ക് വേണം. എന്നെ ശപിക്കരുത്. ഹേയ് ഇതാണോ കാര്യം... ഇതിനാണോ ഇങ്ങനെ വിഷമിക്കുന്നത്. തനിക്ക് വേണമെങ്കിൽ തന്റെ കുഞ്ഞിന്റെ അച്ഛന്റെ അടുത്തേക്ക് പോകാം ഞാൻ ഒരു തടസം ആവില്ലാട്ടോ.. അയാളുടെ അടുത്തേക്ക് പോകാനോ ഒരിക്കലും ഇല്ല.. ഞാൻ ഒറ്റയ്ക്ക് എന്റെ കുഞ്ഞിനെ വളർത്തും. അതുപോലെ ഒരു അച്ഛൻ അതിന് വേണ്ട. തനിക്ക് സമ്മതം ആണെങ്കിൽ തന്റെ കുഞ്ഞ് ഈ വീട്ടിൽ വളരും നമ്മുടെ കുഞ്ഞായി... താനും ഞാനും അല്ലാതെ മറ്റൊരാൾ ഇത് അറിയില്ല അറിയിക്കില്ല ഒരിക്കലും. എന്നെ അച്ഛാന്ന് വിളിക്കാം... പൊന്നുപോലെ ഞാൻ നോക്കിക്കൊള്ളാം. ഒരു മനുഷ്യ സ്നേഹിയെ ഞാൻ കണ്മുന്നിൽ കണ്ട നിമിഷം. അദ്ദേഹത്തിന്റെ കാലിൽ വീണു ഞാൻ കരഞ്ഞു. മാസങ്ങൾ കഴിഞ്ഞു... ഒരു മോൾ ജനിച്ചു. അച്ഛന്റെ രാജകുമാരിയായി അവൾ ഇന്ന് ഈ വീട്ടിൽ ജീവിക്കുന്നു. കർമ്മം കൊണ്ട് നേടിയെടുക്കുന്നതാണ് യഥാർഥ സ്നേഹം ❤️ ✍️ ആവ മരിയ #beingfilmedwithoutpermission - @kuningarathabdulla1