@movene4: កាលពីក្មេងមានរឿងជាច្រើន ដែលចង់ចេះចង់ដឹង ចង់ធ្វើជាមនុស្សធំ តែដើរដល់ចំណុចមួយដែលជីវិតធ្លាក់ដល់ក្រោមសូន្យ ទើបយល់ថា ធ្វើជាក្មេងម្នាក់ដែលមិនទាន់មានទំនួលខុសត្រូវ មានអាហារគ្រប់គ្រាន់ មានឪពុកម្ដាយនៅមើលថែ មានកន្លែងគេងស្រួល គឺជាទ្រព្យសម្បត្តិដ៏ធំធេងបំផុត។ ថ្ងៃ -0 ជីវិតសល់ត្រឹមខ្លួនឯង ម្នាក់នោះមានឈ្មោះថា "ខ្ញុំ" និង "ខ្លួនឯង" អង្គុយទីទួលស្ងាត់ ស្វែងរកហេតុផលជីវិត មួយដើម្បីបន្តដំណើរទៅមុខទៀត។ ថ្ងៃ -0 ជីវិតមួយនេះ មើលឃើញទង្វើមនុស្សជុំវិញខ្លួន ហើយក៏ឆ្លុះមកខ្លួនឯងកាន់តែច្បាស់ ថាខ្លួនឯងជានរណា។ នៅពេលដែលយើងកាន់តែឡើងទៅខ្ពស់ ការឱបក្រសោប និងមហិច្ឆតាកាន់តែច្រើន តែចាំថា ទៅកាន់តែខ្ពស់ ធ្លាក់មកវិញគឺកាន់តែឈឺដូចគ្នា។ តែបើឈឺចេះ គឺត្រូវតែចេះក្រោកឡើងវិញ ចាប់ផ្ដើមដឹងថាអ្វីខុស អ្វីត្រូវ នោះហើយអ្នកនឹងយល់ថាថ្ងៃ -0 តាមពិតក៏មិនមែនអាក្រក់នោះទេ គេគ្រាន់តែឱ្យអ្នកមករស់នៅជាខ្លួនម្ដងទៀតប៉ុណ្ណោះ។ ថ្ងៃ -0 ជីវិតមួយនេះប្រែជាស្ងប់ស្ងាត់ តុអាហារលែងមានមនុស្ស យប់ជ្រៅនៅអង្គុយតែឯង ម្នាក់ឯងគិតត្រឹមថា តើខ្លួនឯងពេលនេះមានអ្វីត្រូវគួរឱ្យខ្លាចទៀត បើការបរាជ័យកំពុងអង្គុយនៅក្បែរខ្ញុំទៅហើយ... ថ្ងៃ -0 អើយ ខ្ញុំយល់ហើយ ថាជីវិតនេះមានអត្ថន័យយ៉ាងណា គ្រប់យ៉ាងមិនអាចមកកែប្រែខ្ញុំបាននោះទេ ប្រសិនបើខ្ញុំមិនបានឆ្លងកាត់មេរៀនលំបាកនោះដោយខ្លួនឯង។ ថ្ងៃ -0 ខ្ញុំក៏ចេះរស់ជាថ្មី រស់ជាខ្លួនឯងយ៉ាងពិតប្រាកដ។ ដោះលែងមនុស្សដែលគេចង់ទៅ ការចងចាំដែលធ្លាប់នៅទីខ្ពស់ និងមេរៀនជីវិតដែលបានដើរមួយជុំធំ ហើយស្ពាយកាតាបតូចមួយ បន្តដើរទៅមុខ ឡើងភ្នំមើលទេសភាពជាថ្មី បរិយាកាសថ្មី ដែលមិនអ៊ូអរដូចមុន និងមិនរំពឹងនរណានាំផ្លូវ ឬអ្នកដើរជាមួយបន្តឡើយ។ ថ្ងៃ -0 សូមជូនពរខ្លួនឯង ក្រោកឡើងជាថ្មី ដើរទៅមុខ រាល់ពេលដែលពន្លឺព្រះអាទិត្យចាប់ផ្ដើមរះ! រក្សាសិទ្ធិអត្ថបទដោយ៖ និទានអារម្មណ៍

Admin...និទានអារម្មណ៍

Open In TikTok:

Region: KH

Thursday 24 September 2026 02:46:57 GMT