#အမေရိကန် TIME မဂ္ဂဇင်းက သူပြောတဲ့အတိုင်း အင်တာဗျူးကို မထုတ်လွှင့်လို့ မင်းအောင်လှိုင် ဒေါသတကြီးတုံ့ပြန်၊ အမေရိကန်၏ ပိတ်ဆို့မှုကြောင့် စစ်တပ်ငွေတွေ သုံးမရတော့ဘဲ ထိခိုက်မှုရှိနေတယ်လို့ မင်းအောင်လှိုင် ရှင်း လင်း ရန်ကုန်၊ စက်တင်ဘာ ၂၄ TIME မဂ္ဂဇင်းက မင်းအောင်လှိုင်နှင့် ပြုလုပ်ခဲ့သည့် အင်တာဗျူးကို မူလအမေးအဖြေပုံစံအတိုင်း ထုတ်လွှင့်ခြင်းမရှိဘဲ ဆောင်းပါးပုံစံဖြင့် ရေးသားဖော်ပြခဲ့သည့်အပေါ် မင်းအောင်လှိုင်ဘက်က ဒေါသတကြီး တုံ့ပြန်ပြီး TIME သတင်း ထောက် Charlie Campbell ၏ ရေးသားချက်များသည် မီဒီယာကျင့်ဝတ်သိက္ခာနှင့် မညီညွတ်ကြောင်း အကြမ်းဖက်စစ်တပ်က သတင်းထုတ်ပြန်သည်။ စက်တင်ဘာ ၂၃ ရက်နေ့ စစ်တပ်၏ သတင်းထုတ်ပြန်ချက်တွင် TIME မဂ္ဂဇင်းက မြန်မာနိုင်ငံတွင် ပြည်ထောင်စုမပြိုကွဲရေးနှင့် အမျိုးသားစည်းလုံးညီ ညွတ်ရေးကို ကာကွယ်ထိန်းသိမ်းစောင့်ရှောက်သည့် နိုင်ငံတော်၏ သမိုင်းဝင်အခန်းကဏ္ဍ၊ မြန်မာနိုင်ငံ တည်ငြိမ်အေးချမ်းရေးအတွက် ဆောင်ရွက်ခဲ့မှုများနှင့် ငြိမ်းချမ်းရေးဆွေးနွေးပွဲများ၏ အောင်မြင်မှုများကို “The Future of Myanmar” ခေါင်းစဉ်ဖြင့် မဂ္ဂဇင်းတွင် ရေးသားဖော်ပြလိုသည့်အတွက် မြန်မာသံရုံး၊ စင်ကာပူမှတစ်ဆင့် အင်တာဗျူးပြုလုပ်ရန် မေတ္တာရပ်ခံခဲ့သည်ဟု ဆိုသည်။ TIME မဂ္ဂဇင်းသည် ဂုဏ်သိက္ခာရှိသည့် သတင်းဌာနတစ်ခုဖြစ်သည့်အတွက် အဆိုပါ မေတ္တာရပ်ခံချက်ကို အပြုသဘောဖြင့် တုံ့ပြန်ကာ သတင်းထောက် Charlie Campbell အား မင်းအောင်လှိုင်က လက်ခံတွေ့ဆုံပြီး မေးမြန်းသည့်မေးခွန်းများကို ဖြေကြားခဲ့သည်ဟု သတင်းထုတ်ပြန်ချက်တွင် ဖော်ပြထားသည်။ သို့သော် TIME မဂ္ဂဇင်းအွန်လိုင်းတွင် ဖော်ပြရာ၌ မူလအင်တာဗျူးပြုလုပ်ခဲ့သည့် အမေးအဖြေပုံစံအတိုင်း မဖော်ပြဘဲ ဆောင်းပါးပုံစံဖြင့် ရေးသားဖော်ပြခဲ့သည့်အပြင် မင်းအောင်လှိုင် အမှန်တကယ် ဖြေကြားခဲ့သည့်အကြောင်းအရာများကိုလည်း ထင်ဟပ်ဖော်ပြခြင်း မရှိခဲ့ကြောင်း ဆိုသည်။ ထို့ပြင် မလိုလားအပ်သည့် အပြုသဘောမဆောင်သော ရေးသားချက်များ၊ အခြားပုဂ္ဂိုလ်များနှင့် တွေ့ဆုံမေးမြန်းမှုများနှင့် သုံးသပ်ချက်များကို ထည့်သွင်းဖော်ပြခဲ့ပြီး ကနဦးဆွေးနွေးသဘောတူညီချက်တွင် မပါဝင်သည့် အကြောင်းအရာများကို အလေးပေးဖော်ပြကာ နိုင်ငံတကာမှ မြန်မာအစိုးရနှင့် မြန်မာနိုင်ငံအပေါ် အထင်အမြင်လွဲမှားစေနိုင်သည့် အသုံးအနှုန်းများကို အသုံးပြုရေးသားခဲ့သည်ဟုလည်း မြန်မာစစ်တပ်က ပြောဆိုသည်။ ထို့ကြောင့် TIME မဂ္ဂဇင်းသတင်းထောက် Charlie Campbell ၏ ရေးသားချက်များသည် မီဒီယာကျင့်ဝတ်သိက္ခာကို စောင့်ထိန်းလိုက်နာခြင်းမရှိသည့်အတွက် ပြစ်တင်ရှုတ်ချကြောင်း စစ်တပ်က ထုတ်ပြန်ပြောဆိုသည်။ အဆိုပါ TIME မဂ္ဂဇင်း အင်တာဗျူးတွင် မင်းအောင်လှိုင်က အမေရိကန်၏ စီးပွားရေးပိတ်ဆို့အရေးယူမှုများကြောင့် မြန်မာနိုင်ငံတွင် ထိခိုက်မှုများရှိနေကြောင်း ရှင်းလင်းပြောဆိုထားသည်။ မင်းအောင်လှိုင်က ပိတ်ဆို့မှုများကြောင့် ထိခိုက်နစ်နာမှုရှိကြောင်း ဝန်ခံပြီး ပိတ်ဆို့မှုမှာ နှစ်မျိုးရှိကြောင်း၊ တစ်မျိုးမှာ ဘဏ်လုပ်ငန်းများနှင့်ပတ်သက်ပြီး ငွေကြေးလွှဲပြောင်းအသုံးပြုမှုများကို အခက်အခဲဖြစ်စေခြင်းဖြစ်ပြီး နောက်တစ်မျိုးမှာ ပိုင်ဆိုင်မှုနှင့် ငွေကြေးများကို ထုတ်ယူအသုံးပြု၍မရအောင် ကန့်သတ်ထားခြင်းဖြစ်ကြောင်း ပြောသည်။ “ထိခိုက်နစ်နာမှုတော့ ရှိပါတယ်။ ဒီဆန်ရှင်လုပ်တာ နှစ်ခုရှိတာ၊ တစ်ခုကတော့ ဘဏ်လုပ်ငန်းတွေနဲ့ ပတ်သက်တဲ့ ဒီဟာ လုပ်လို့မရတော့ဘူး။ ငွေတွေ သွားတာ။ နောက်တစ်ခုက ငွေတွေကို ထုတ်လို့မရအောင် ကျွန်တော်တို့ရဲ့ ပိုင်ဆိုင်မှု ငွေတွေကို သုံးလို့မရအောင် လုပ်တာ” ဟု မင်းအောင်လှိုင်က ပြောသည်။ ဘဏ်လုပ်ငန်းနှင့်ပတ်သက်သည့် ကန့်သတ်မှုများကြောင့် နိုင်ငံခြားမှ လာရောက်ရင်းနှီးမြှုပ်နှံမှုများအတွက် အခက်အခဲဖြစ်လာပြီး နိုင်ငံခြားရင်းနှီးမြှုပ်နှံသူများ လာရောက်မလုပ်ကိုင်တော့သည့် အတွက် လုပ်ငန်းများနှင့် အလုပ်အကိုင်အခွင့်အလမ်းများ ထိခိုက်မှုရှိလာကြောင်းလည်း ၎င်းက ပြောသည်။ ထို့အပြင် ပိတ်ဆို့ကန့်သတ်မှုများကြောင့် ပြည်တွင်းလိုအပ်ချက်များအတွက် လိုအပ်သည့်ပစ္စည်းများကို အပြည့်အဝ တင်သွင်းနိုင်ခြင်းမရှိသလို ပစ္စည်းများ ဝယ်ယူရာတွင်လည်း အခက်အခဲများရှိလာကြောင်း ၎င်းက ရှင်းပြသည်။ “ဒီလိုပဲ ကျွန်တော်တို့ သုံးဖို့နဲ့ ပတ်သက်လို့လည်း ကန့်သတ်ထားတဲ့အတွက် ကျွန်တော်တို့လိုချင်တဲ့ဟာတွေ ကျွန်တော်တို့ သုံးလို့မရတာတွေရှိတော့ ပြည်တွင်းလိုအပ်ချက်တွေကို အပြည့်အဝ ကျွန်တော်တို့ မသွင်းနိုင်တာတွေရှိတယ်။ အဲတော့ အလုပ်အကိုင်အခွင့်အလမ်းတွေ မရှိလာတာတွေ၊ အဲဒါ ခက်ခဲတာတွေ၊ နောက်တစ်ခုက ပစ္စည်းတွေ ကျွန်တော်တို့ ဝယ်ခက်၊ ဝယ်ရတာတွေ ဒီလိုမျိုးရှိပါတယ်” ဟု ၎င်းက ပြောသည်။ ထိုသို့ ပိတ်ဆို့ကန့်သတ်မှုများကြောင့် ပြည်တွင်းစီးပွားရေးအပေါ် အတိုင်းအတာတစ်ခုအထိ ထိခိုက်မှုရှိနေကြောင်း မင်းအောင်လှိုင်က ဆက်ပြောသည်။ “ဒီအတွက်ကြောင့် ပြည်တွင်းမှာ စီးပွားရေးကတော့ ထိခိုက်မှုတော့ အတိုင်းအတာတစ်ခုထိ ထိခိုက်မှုတော့ရှိပါတယ်” ဟု ၎င်းက ပြောသည်။ အမေရိကန်အစိုးရအနေဖြင့် မြန်မာနိုင်ငံ၏ အခ - @sitisuhaibah287