တာချီလိတ်မြို့မှာ ညဘက်ရပ်ထားတဲ့ ကားတစ်စီး အခိုးခံလိုက်ရပြီး သူခိုးတွေသောင်းကြမ်းနေ ၂၄ စက်တင်ဘာ ၂၀၂၆ (Eastern ThanLwin) ကိုဇက် ရှမ်းပြည်နယ် (အရှေ့ပိုင်း) တာချီလိတ်မြို့ တာလော့ရပ်ကွက်အတွင်း ညဘက်ရပ်နားထားတဲ့ Crown 2005 အဖြူရောင်တစ်စီး စက်တင်ဘာ(၂၃)ရက် ည (၁၁)နာရီအချိန်ခန့်က ခိုးယူခံလိုက်ရတယ်လို့ သိရှိရပါတယ်။ “ကားသော့ ကားထဲမှာကျန်နေတာ သူခိုးက ကားတံခါးဖွင့်လို့ရတာနဲ့ မောင်းပြီးယူသွားတာ။ ည(၁၁)နာရီကျော်အချိန်လောက်ကပါ”လို့ ခိုးခံလိုက်ရသူ တစ်ဦးက အရှေ့သံလွင်သတင်းဌာနကို ပြောပါတယ်။ အခုရက်ပိုင်း တာချီလိတ်မြို့မှာ ဆိုင်ကယ်ခိုးခံရတာနဲ့ ကားခိုးရတာတွေအပြင် နေအိမ်ဖေါက်ထွင်းမှုတွေပါ ဆက်တိုက်ဖြစ်ပေါ်နေတာဖြစ်ပါတယ်။ ပြီးခဲ့တဲ့ ရက်ပိုင်းကလည်း ဟောင်လိတ် ဆေခန်းရပ်ကွက်အတွင်းက နေအိမ်တစ်လုံးအတွင်း လိုင်စင်ပါ ဆိုင်ကယ်တစ်စီး၊ ကွန်ပျူတာ Latop တစ်လုံးနဲ့ ဆောင်းဘောက်တစ်ခုတို့ အိမ်ဖောက်ထွင်းခိုးယူခံခဲ့ရပြီး နေ့စဉ်နီးပါး ခိုးမှုတွေဖြစ်ပွားနေတာဖြစ်ပါတယ်။ “ဟစ်တိုင်က တင်ထားတာ မှားနေတယ်။ ခရိုင် USDP ဥက္ကဋ္ဌအိမ်က ခိုးခံရတာမဟုတ်ဘူး။ သူက ဥက္ကဋ္ဌနဲ့ရင်းနှီးလို့ သူပျောက်ခံရတဲ့ ကိစ္စလှမ်းပြောပြီး CCTV ဖိုင်ပေးလိုက်တာ”လို့ သူခိုးခိုးခံရသူ အိမ်နီးချင်းက ပြောပါတယ်။ အခုရက်ပိုင်း တာချီလိတ်မြို့တွင်း သူခိုးခိုးခံရမှုတွေ ဆက်တိုက်ဖြစ်ပွားနေပြီး ကားဘတ်မှတ်ဖြုတ်ခိုးခံရမှု၊ ဆိုင်ကယ်ခိုးခံရမှုနဲ့ နေအိမ်ဖောက်ထွင်းခံရမှုတွေ နေစဉ်နီးပါး ဖြစ်ပွားနေတာဖြစ်ပါတယ်။ #သူခိုး #ဒုစရိုက်မှု #နေအိမ်ဖေါက်ထွင်း #ကားခိုးခံရမှု #တာချီလိတ် https://t.me/+13Tc7H7JT802NjA1 https://tiktok.com/@easternthanlwin https://youtube.com/@easternthanlwinmedia... TCL Thies# - @easternthanlwin