وعن الزول البشبه روحنا ❤️ في حاجات في الحياة ما بتتقاس بالشكل، ولا بالوضع المادي، ولا بالكلام الحلو… بتتقاس بالإحساس البيديك ليهو الزول البختارك. الزول الصح ما بس يكون موجود في حياتك، الزول الصح هو البخليك تحس إنو عندك ضهر، وإنو مهما الدنيا اتقلبت عليك، في زول ممكن ترجع ليهو وتلقى عندو أمانك 💜🫂 وعشان كدا اختيار شريك حياتك ما حاجة بسيطة… إنت ما بتختار زول بس عشان تقضي معاهو كم سنة، إنت بتختار الزول البتتمنى تلقاهو جنبك في كل السنين الجاية. 😴 اختار الزول البفهم سكوتك قبل كلامك، البيحترمك في غيابك قبل حضورك، والما بخليك كل يوم تسأل نفسك: أنا مهم عندو ولا لا؟ اختار الزول البيريّح قلبك، ما الزول البخليك طول الوقت في حيرة وتفكير. اختار الزول البتكون معاهو على طبيعتك، ما محتاج تتجمّل ولا تمثل ولا تخاف إنك تكون إنت. لأنو في النهاية، الملامح بتتغير، والسنين بتمر، والدنيا بتبدّل فينا حاجات كتيرة… لكن الروح السمحة، والقلب الحنين، والونس الحقيقي، دي الحاجات البتخلي الزول يفضل جميل في عيونك مهما الزمن مر. ❤️ ولو لقيت زول بتحس معاهو إنو الدنيا، رغم تعبها، بقت أخف… أعرف إنو دي نعمة ما كل الناس بلقوها. عشان الاختيار الصاح ما بس بغيّر حياتك… الاختيار الصاح بخليك تحب الحياة البتعيشها. ❤️🌍 #أختاروا_صح😌🫰 اللهم حلالا يشبه أمانينا 🥺🤲🏻 - @ahmasalah2